Հաշւի առնելով կորոնավիրուսի դէմ պայքարի անհրաժեշտութեան առաջնահերթութիւնը, Թ.Հ.Թ. Թեմական խորհրդի հովանաւորութեամբ և Կրթական խորհրդի նախաձեռնութեամբ կիրառւում են մի շարք քայլեր կապւած վիրուսի տարածման դէմ:
2020 թւականի փետրւարի 27-ին Թեհրանի բոլոր հայկական դպրոցներին և մանկապարտէզներին է տրամադրւել մի շարք անհրաժեշտ պարագաներ՝ ձեռնոցներ, խոնաւ ալկոհոլային անձեռոցիկներ, պաշտպանիչ դիմակներ և տեղեկատւական պաստառներ, որոնց միջոցով տեղեկացւում է նոր վիրուսի, դրանով չվարակւելու անհրաժեշտ քայլերի մասին։
Նշելի է նաև, որ առաջիկայում կը տրամադրւեն նաև աւտոմատ ջերմաչափման համար նախատեսւած թւային ջերմաչափներ և ախտահանող նիւթեր:
Հետևելով մի շարք պարզ կանոնների կը կարողանաք խուսափել վիրուսով վարակւելու վտանգից
• Պարբերաբար լւացէք ձեռքերը
• Ձեռքերով մի դիպչէք ձեր աչքերին, քթին, բերանին
• Խուսափէք գրիպի և հարբուխի ախտանշաններ ունեցող մարդկանց հետ շփումներից
• Եթէ հիւանդ էք, պարզապէս մնացէք տանը
Առողջութիւն բոլորիդ:
Թ.Հ.Թ. Կրթական խորհուրդ
http://www.tehranprelacy.com//news-am/9-content-hy/news-hy/2922-2020022901?tmpl=component&print=1#sigProId71e20e47e9