Հայաստանի Առաջին Հանրապետութեան 100-ամեակին նւիրւած ծրագրերը, որոնք իրանահայ համայնքում մեկնարկել են տարեսկզբից, շարունակւում են:
Այդ շարանի ծրագրերից, որը նախաձեռնել էր Հայաստանի Առաջին Հանրապետութեան անկախութեան եւ պետականութեան հաստատման հարիւրամեակի Թեհրանի կենտրոնական յանձնախումբը, իրականացաւ հինգշաբթի, նոյեմբերի 8-ին, Հ. Ուս. «Չհարմահալ» Միութեան «Յ. Թումանեան» սրահում:
Միջոցառումը, ազգային հայրենասիրական երգերի փառատօն էր, որը նախատեսւած է Թեհրանի երեք հայաշատ քաղաքամասերում եւ այն կրկնւելու է նոյեմբերի 14-ին Հ.Մ.Մ. «Նայիրի» Միութեան «Սուքերեան» սրահում եւ նոյեմբերի 22-ին Հ.Մ. «Սիփան» Միութեան «Նայիրի» սրահում:
Ծրագիրը մեկնարկեց հայկական ազատագրական շարժումը, նախքան Հայաստանի Առաջին Հանրապետութիւն մինչեւ Արցախի ազատագրում պատկերող տեսաֆիլմի ցուցադրութեամբ, որից յետոյ մեկնարկեց փառատօնը:
Աւարտին եզրափակիչ խօսքով ելոյթ ունեցաւ թեմիս առաջնորդ՝ գերշ. Տ. Սեպուհ Ս. արք. Սարգսեանը:
Լուրը՝ «Ալիք»-ից
http://www.tehranprelacy.com//9-content-hy/news-hy/2060-2018111104?tmpl=component&print=1#sigProId57e68d62a3