Թւականիս երկուշաբթի սեպտեմբերի 11-ի առաւօտեան, Թեմիս բարեխնամ Առաջնորդ՝ Գերշ. Տ. Սեպուհ Ս. Արք. Սարգսեանն Առաջնորդարանի դահլիճում ընդունեց քանադահայ մի խումբ զբօսաշրջիկների:
Զբօսաշրջիկների եկած էին Քանադայից առաջնորդութեամբ Քանադայի Հայոց Թեմի Առաջնորդ Գերշ. Տ. Բաբկէն Ս. Արք. Չարեանի:
Այցելութեանը ներկայ էին նաև Թեհրանի Հայոց Թեմի Կրօնական և Թեմական Խորհրդի անդամները:
Սրբազան Հայրը ջերմօրէն ողջունեց այցելուներին, մեծապես գնահատեց նրանց այս այցը, որ նաև Իրանն ու իրանահայութիւնը մօտկից ճանաչելու նպատակն ունէր:
Առաջնորդ Սրբազանը կարևորութեամբ շեշտեց, որ Իրանը այն չէ ինչ որ արևմտեան մամուլը, ամերիկեան լրատւամիջոցները, հրեական լաբիի ազդեցութեան ներքոյ կը ներկայացնեն:
Իրանն իբրև զարգացած, յառաջադէմ և զանազան կրօնների հետևորդների համատեղ կեցութեան օրրան, ուսուցանելի բաներ ունի իր շրջապատին: Իրանահայ համայնքը դարերով ապրել է և ապրում է, վայելելով իրենց կրօնական և տոհմիկ արարողութիւնները կատարելու ազատութիւնը:
http://www.tehranprelacy.com///9-content-hy/news-hy/1275-2017091201?tmpl=component&print=1&page=#sigProId4c82ddfb0e