Չորեքշաբթի, 10 դեկտեմբեր 2025 թւականին, պատկան պատասխանատուների ընկերակցութեամբ Ազգ. Առաջնորդարան այցելեցին Ռումանիայի ուղղափառ եկեղեցու ներկայացուցիչներ Աւագ քահանայ դկտր. Միհայ Փարելը եւ ընկերակցող պատւիրակութիւնը:

Ռումանիայի Ուղղափառ Եկեղեցու Երիտասարդաց հոգեւոր առաջնորդութեան եւ պատւիրակութեանը դիմաւորեցին Թեմիս Առաջնորդ Գերշ. Տ. Սեպուհ Ս. Արք. Սարգսեանի օգնական՝ Հոգշ. Տ. Առաքել Աբղ. Գատեհճեանը, Թեմական խորհրդի ատենապետ Վարուժ Յովհաննէսեանը, Արժ. Տ. Գրիգորիս քհնյ. Ներսէսեանսը եւ Արժ. Տ. Սահակ քհնյ. Խոսրովեանը:

Պատւիրակութիւնը նախ մուտք գործեց Ս. Սարգիս եկեղեցի, որտեղ Հայր Սուրբը կատարեց Տէրունական աղօթք, ապա Ազգ. Առաջնորդարանի դահլիճում կայացած հանդիպմանը, Հայր Սուրբը Սրբազան Հօր ողջոյնները փոխանցելով իր ուրախութիւնը յայտնեց հիւրերի ներկայութեան եւ կատարւած այցի առիթով: Նա ամփոփ անդրադարձ ունեցաւ իրանահայ երեք թեմերում, համայնքների եկեղեցական ու ազգային կեանքին նաեւ կառոյցիս ընդհանուր դրւածքին: Հանդիպման ընթացքում նաեւ մատնանշւեց, Իրանում զանազան կրօնների հետեւորդների խաղաղ համակեցութեանը, փոխադարձ կապերին եւ կրօնների խաղաղ երկխօսութեանն ու յարաբերութիւններին։

Աւագ քահանայ դկտր. Միհայ Փարելը, պատւիրակութեան անունից շնորհակալութիւնը յայտնեց ջերմ ընդունելութեան եւ այցելութեան առիթն ստեղծւելու համար եւ իր շնորհաւորանքները փոխանցեց մօտալուտ Ամանորի եւ Ս. Ծննդեան տօների առիթով եւ նւիրեց մի գեղեցիկ Տէրունի սրբանկար։

Հանդիպման աւարտին, հիւրերին նւիրւեցին «Իրանի հայկական եկեղեցիներ» եւ «کلیسای ارمنی» խորագրով գրքերը:

Ազգային Առաջնորդարանի հանրային Կապ