Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



7-րդ եւ 8-րդ դասարանցիների արշաւը՝ «Արարատ» մարզաւանում

Թւականիս ապրիլի 7-ին եւ 14-ին կայացաւ հայոց դպրոցների միջնակարգ Ա օղակի 7-րդ եւ 8-րդ դասարանցիների արշաւը Թ. Հ. Թ. Կրթական Խորհրդի Դաստիարակչական յանձնախմբի կազմակերպմամբ:

Հինգշաբթի, ապրիլի 7-ին, 8-րդ դասարանցիների արշաւին իրենց մասնակցութիւնը բերեցին թւով 165 աշակերտ-աշակերտուհիներ, որոնք բաժանւեցին 12 խմբերի եւ ընտրեցին իրենց խմբի անունն ու խմբապետը:

Ամէն խումբ ունէր նաեւ իր պատասխանատուն, որոնք երիտասարդներ էին, սկաուտական միութիւնների անդամներ, դպրոցների օժանդակ ծնողներ եւ յանձնախմբի հետ համագործակցողներ:

Ապրիլի 7-ի ծրագրի բովանդակութիւնը բաղկացած էր մարզական աշխատանքից, զրոյցից, գիտելիքների մրցութիւնից, դասախօսութիւնից ու խաղից: Որպէս դասախօս հրաւիրւել էր Գրիգոր Ղազարեանը:

Իսկ մարզական առաւօտեան աշխատանքին իրենց համագործակցութիւնն էին բերել Կրթական խորհրդի Մարզական յանձնախմբի անդամներ՝ Վրէժ Աբգարեանը, Լուդւիկ Նազարեանը եւ Էդւին Աւանէսեանը, ուսուցիչներ՝ Քարմէն Ղահրամանեանը եւ Կարինէ Ասատրեանը:

Հինգշաբթի, ապրիլի 14-ին եւս տեղի ունեցած արշաւին իրենց մասնակցութիւնը բերեցին Թեհրանի հայոց դպրոցների 7-րդ դասարանի աշակերտներ՝ թւով 162 հոգի:

12 խմբերի բաժանւած աշակերտները դարձեալ զբաղւեցին մարզական աշխատանքներով, մասնակցեցին խաղերի, դասախօսութեան, գիտելիքների մրցութեան եւ երգի դասարանին, որի ընթացքում մեծ խանդավառութեամբ երգեցին ազգային-յեղափոխական երգեր եւ ծանօթացան այդ երգերի պատմութեան հետ:

Ապրիլի 14-ին եւս յանձնախմբի հետ համագործակցեցին մեծ թւով երիտասարդներ, միութենականներ, ծնողական խորհուրդների անդամներ եւ յանձնախմբի հետ մշտապէս համագործակցող անձինք: Իսկ դասարանները եւ մարզական աշխատանքները ղեկավարեցին Գրիգոր Ղազարեանը, Լուդւիկ Նազարեանը, Թալին Յարութիւնեանը եւ Անդրանիկ Իփրանոսեանը:

Արշաւների ընթացքում ներկայ էին Կրթական խորհրդի ատենապետ Սեւան Դանիէլեանը եւ նոյն խորհրդի անդամ Դաւիթ Մարգարեանը եւ Նարբէ Աբուլեանը:

Ջերմագին շնորհակալութիւններ պէտք է յայտնել Հ.Մ.Ա.Կ.-ի Կենտրոնական վարչութեանը, «Արարատ» մարզաւանի պատասխանատուներին եւ յանձնախմբի հետ բոլոր համագործակցողներին՝ իրենց ցուցաբերած օժանդակութիւնների համար:

Թ. Հ. Թ. Կրթական խորհրդի Դաստիարակչական յանձնախումբ

ԸՆԹԵՐՑՈՒՄՆԵՐ

Առօրեայ Աստւածաշնչեան ընթերցումներ




Չորեքշաբթի 10 Յուլիսի 2024;
Ա Կորնթացիներ 1.1‐9։ ԱՒԵՏԱՐԱՆ ԸՍՏ ՄԱՏԹԷՈՍԻ 17.21‐18.4։

Հինգշաբթի 11 Յուլիսի 2024;
Տօն՝ Սրբոյն Եսայեայ մարգարէին

Ուրբաթ 12 Յուլիսի 2024;
Ա Կորնթացիներ 1.10‐18։ ԱՒԵՏԱՐԱՆ ԸՍՏ ՄԱՏԹԷՈՍԻ 18.2‐9։

Շաբաթ 13 Յուլիսի 2024;
Սրբոցն Թադէոսի առաքելոյն մերոյ եւ Սանդխտոյ կուսին

Կիրակի 14 Յուլիսի 2024;
Բ կիր. զկնի Վարդավառի

Երկուշաբթի 15 Յուլիսի 2024;
Տօն՝ Սրբոցն Կիպրիանոսի եպիսկոպոսին և քառասուն և հինգ վկայիցն,եւ սրբոց կուսանացն Յուստինեայ, Եւփիմեայ և Քրիստինեայ

Երեքշաբթի 16 Յուլիսի 2024;
Տօն՝ Սրբոցն Աթանագինեայ եպիսկոպոսին եւ տասն աշակերտացն եւ հինգ վկայիցն

Չորեքշաբթի 17 Յուլիսի 2024;
Ա Կորնթ 2։12-3։10, Մտթ․18։15-22

Հինգշաբթի 18 Յուլիսի 2024;
Տօն՝ Սրբոց նախահարցն` Ադամայ, Աբէլի, Սեթայ, Ենովսայ, Ենովքայ, Նոյի, Մելքիսեդեկի, Աբրահամու, Իսահակայ, Յակովբայ, Յովսեփայ, Մովսիսի, Ահարօնի, Եղիազարու, Յեսուայ, Սամուէլի, Սամփսոնի, Յեփթայեայ, Բարակայ, Գեդէօնի եւ այլոց սրբոց նախահարցն

Ուրբաթ 19 Յուլիսի 2024;
Ա Կորնթ․5։9-6։10, Մտթ 18։23-35

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ