Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Սրբազան Հօր այցը Ազգային Դպրոցներ (2)

Սեպտեմբեր 29-ին տեղի ունեցաւ Թեմիս առաջնորդ՝ Գերշ. Տ. Սեպուհ Ս. Արք. Սարգսեանի  ազգային դպրոցների այցելութիւնների 2-րդ շարանը:

Սրբազան Հայրը նախ այցելեց Ահարոնեան Մանկապարտէզ:

Ապա իր երկրորդ այցն ունեցաւ «Նայիրի» տղ. տարրական դպրոց:

Այս դպրոցներում ևս Սրբազան Հօրը դիմաւորեցին ծաղկեփնջերով և աւանդական աղ ու հացով:  Առաջնորդ Սրբազանն աղ ու հացն օրհնելուց յետոյ, մօտեցաւ աշակերտ-ուհիներին և բոլորը միասին կատարեցին Տէրունական աղօթքը:  Ապա մանկապարտէզի տեսցչուհին և «Նայիրի» դպրոցի փոխտեսչուհին իրենց բարի գալստեան խօսքերն ասացին: 

Մանկապարտէզում, սաներն իրենց խմբական երգերով և արտասանութիւնով սկսեցին ծրագիրը:  Այնուհետև Սրբազան Հայրը, ուրախութիւն յայտնեց մեր փոքրիկներին նորից տեսնելուց, ապա պարզ լեզւով խօսեց Հայոց լեզւի տառերի գիւտի և Ս. Մեսրոպ Մաշտոցի մասին:  Վերջում նրանց օրհնեց և ապսպրեց, որ լաւ բալիկներ լինեն և ջանանան կարելիին չափ լաւ բաներ սովորել: 

Նայիրի տարրական դպրոցի աշակերտներից իրենց աշակերտական խօսքն յայտնեցին Սրբազան Հօրը և հանդէս եկան ասմունքով: 

Առաջնորդ Սրբազանը, այստեղ ունեցած իր արտայայտութեան ընթացքին քաջալերեց աշակերտներին, որպէսզի միմեանց սիրեն և մեծերի խօսքը լսեն, ասելով՝ «Մեզ բոլորին սիրողը և մեր բոլորի հայրը՝ Աստւած ինքն է, որ տեսնում է մեզ և մեզնով ուրախանում:  Երբ մենք բարի և աշխատասէր ենք լինում և մեր մեծերի խօսքը լսում, դասարանում մեր ուսուցիչներն ու ընկերներն էլ են մեզ սիրում, որովհետև Աստւածաշունչն ասում է, որ մենք եթէ Աստծուն պիտի սիրենք, նախ պիտի մեզ և միմեանց սիրենք:  Եթէ չսիրենք, չենք կարող Աստծուն սիրենք:  Եթէ միմեանց, ուսուցիչների, տեսուչների, պատասխանատուների և մեր մեծերի խօսքերը չլսենք, Աստծու խօսքն էլ չենք կարող լսել»: 

Վերջում Սրբազան Հայրը օրհնելով աշակերտութեանը, աւարտեց իր 2-րդ օրւայ այցը: 

Այցերի ընթացքին ներկայ էին Կրթական Խորհրդի ներկայացուցիչներ՝ տկն. Մելինէ Բադալը և տկն. Ռուբինա Օհանեանը:

ԸՆԹԵՐՑՈՒՄՆԵՐ

Առօրեայ Աստւածաշնչեան ընթերցումներ




Երեքշաբթի 20 Սեպտեմբերի 2022;
Սրբոց կուսանացն Փեփրոնեայ, Մարիանեայ եւ Շուշանայ` դստերն Մեծին Վարդանայ Առակներ 23.15-25։ Օսէէ 14.6-8։ Բ Կորնթացիներ 6.16-7.1։ ԱՒԵՏԱՐԱՆ ԸՍՏ ՂՈՒԿԱՍԻ 6.20-23։

Չորեքշաբթի 21 Սեպտեմբերի 2022;
Պահք Բ Կորնթացիներ 11.10-23։ ԱՒԵՏԱՐԱՆ ԸՍՏ ՄԱՐԿՈՍՒ 10.17-23։

Հինգշաբթի 22 Սեպտեմբերի 2022;
Սրբոց հայրապետացն Բարաղամու, Անթիմոսի եւ Երանոսի Իմաստութիւն Սողոմոնի 10.9-12։ Մաղաքիա 2.5-7։ Ա Պետրոս 5.1-7։ Յհ 10.11-16։

Ուրբաթ 23 Սեպտեմբերի 2022;
Պահք Բ Կորնթացիներ 11.30-12.9։ ԱՒԵՏԱՐԱՆ ԸՍՏ ՄԱՐԿՈՍՒ 10.28-33։

Շաբաթ 24 Սեպտեմբերի 2022;
Սրբոցն Գէորգայ զօրավարին, Ադոկտոսի եւ Ռոմանոսի երգեցողին Իմաստութիւն Սողոմոնի 8.19-9.5։ Եսայի 42.1-8։ Բ Կորնթացիներ 1.3-7։ ԱՒԵՏԱՐԱՆ ԸՍՏ ՂՈՒԿԱՍԻ 12.2-9։

Կիրակի 25 Սեպտեմբերի 2022;
Գ կիրակի զկնի Ս. Խաչին: Տօն է Վարագայ Սրբոյ Խաչի ԱՌԱԿՆԵՐ 3.18-26։ Եսայի 65.22-25։ Գաղատացիներ 6.14-18։ ԱՒԵՏԱՐԱՆ ԸՍՏ ՄԱՏԹԷՈՍԻ 24.30-36։

Երկուշաբթի 26 Սեպտեմբերի 2022;
Սրբոյն Դաւթի Դւնեցւոյն եւ սրբոց վկայիցն Ղամբէոսի եւ Ղամբէուհւոյն ԱՌԱԿՆԵՐ 13.1-7։ Միքիա 7.18-20։ ԹՈՒՂԹ ԵԲՐԱՅԵՑԻՆԵՐԻՆ 12.1-7։ ԱՒԵՏԱՐԱՆ ԸՍՏ ՂՈՒԿԱՍԻ 13.22-30։

Երեքշաբթի 27 Սեպտեմբերի 2022;
Սրբոցն Եւստաթէոսի եւ կնոջ նորա Թէոփիստեայ եւ երկուց որդւոցն եւ սրբոց կուսանացն Երմոնեայ եւ Նեքտարինեայ Ողբ 3.22-56։ Բ Տիմոթէոս 3.10-15։ ԱՒԵՏԱՐԱՆ ԸՍՏ ՄԱՏԹԷՈՍԻ 5.1-12։

Չորեքշաբթի 28 Սեպտեմբերի 2022;
Պահք Բ Կորնթացիներ 12.10-18։ ԱՒԵՏԱՐԱՆ ԸՍՏ ՄԱՐԿՈՍՒ 10.35-45։

Ուրբաթ 30 Սեպտեմբերի 2022;
Պահք Բ Կորնթացիներ 12.19-13.4։ ԱՒԵՏԱՐԱՆ ԸՍՏ ՄԱՐԿՈՍՒ 11.15-25։

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ