Հինգշաբթի, 4 մայիս 2023 թւականին, Թեմիս Առաջնորդ Գերշ. Տ. Սեպուհ Ս. Արք. Սարգսեանը, իր գրասենեակում ընդունեց Թեհրանի Խարազմի համալսարանի պրոֆեսորներից՝ դոկտ. Ռասուլիփուրին:
Դոկտ. Ռասուլիփուրը ժամանակին եղել է մշակոյթի եւ իսլամական հաղորդակցութեան կազմակերպութեան հովանու ներքոյ գործող կրօնների երկխօսութեան կենտրոնի տնօրէնը, որտեղ ցուցաբերել է սերտ համագործակցութիւն, եւ առաւել նաեւ Հոգեւոր Առաջնորդի կրօնական խորհրդականներից է:
Սրբազան Հայրը ջերմ սիրով ողջունեց դոկտ. Ռասուլիփուրի ներկայութիւնը, որպէս հին բարեկամ: Հանդիպումն առիթ եղաւ զրուցելու կրօնների երկխօսութեան կարեւորութեան եւ անհրաժեշտութեան մասին, յատկապէս այս օրերին, երբ աշխարհը վերածւել է անվստահութեան եւ իրարամերժութեան աւազանի:
Մէկ ժամ տեւող հանդիպումն անցաւ շատ մտերմիկ եւ հարազատ մթնոլորտում:
Ազգային Առաջնորդարանի Հանրային Կապ