Երկուշաբթի, թւականիս յունւարի 2-ին, Թեմիս Առաջնորդ Գերշ․ Տ․ Սեպուհ Ս․ Արք․ Սարգսեանը Ազգային Առաջնորդարանի դահլիճում Սուրբ Ծննդեան եւ Նոր տարւայ առիթով ընդունեց Իրանի մշակոյթի եւ իսլամական միջազգային հաղորդակցութեան կենտրոնի տնօրէն Հոջաթ. Իմանի Փուրին:

Առաջնորդ Սրբազան Հայրը ջերմօրէն ողջունեց յարգարժան հիւրին եւ նրան ուղեկցող պատւիրակութեանը եւ յայտնեց, որ տօնական օրերը հնարաւորութիւն են տալիս միմեանց սէր արտայայտելու եւ հանդիպելու ինչպէս նաեւ նշեց, որ Իրանի ժողովրդի եւ կրօնների միջեւ առկայ լաւ յարաբերութիւնները հպարտութեան տեղիք են տալիս, որն ուսանելի յատկանիշ է ուրիշների համար։

Ապա յարգարժան հիւրն իր գոհունակութիւնը յայտնեց ընդունման համար եւ շնորհաւորելով Ամանորն ու Ս․ Ծննդեան տօները,Սրբազան Հօրը կրօնների երկխօսութեան ազդեցիկ Ռահւիրան համարեց, որը միջազգային բոլոր համագումարներում հանդիսանում է Իրանի իրաւունքների պաշտպան ու ներկայացնում է Իրանի իրական պատկերը։

Հանդիպման ընթացքում նաեւ խօսւեց կազմակերպութեան եւ Մեծի Տանն Կիլիկիոյ Կաթողիկոսութեան միջեւ կայնալիք յառաջիկայ նիստերի մասին։

Ազգային Առաջնորդարանի Հանրային կապ

{gallery}202301/2023010403{/gallery}