Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ՀԱՆԴԻՊՈՒՄ ԿՐԹԱԿԱՆ ԽՈՐՀՐԴԻ ՀԵՏ

Կիրակի, թւականիս հոկտեմբերի 16-ին, Թեմական խորհրդի ատենապետ ճրտպ. Նորայր Արամեանը ընկերակցութեամբ Կրթականի խորհրդի հետ կապ տկն. Անի Միրզախանեանի, ներկայ եղաւ Կրթական խորհրդի հերթական նիստին:

Հանդիպման ընթացքում Կրթական Խորհրդի ատենապետ Ալֆրէդ Կարապետեանը ընդհանուր զեկոյց ներկայացրեց դպրոցների վերաբացման ընթացքում իրագործւած աշխատանքների կապակցութեամբ նաեւ ներկայացրեց հայկական բոլոր դպրոցների աշակերտութեան թւային պատկերը՝ դասարան առ դասարան:

Պրն. Նորայր Արամեանը իր արտայայտութիւնների ընթացքում կարեւորութեամբ անդրադարձաւ կրթական ոլորտին առնչւող աշխատանքներին եւ յայտնեց, որ Թեմական խորհուրդը բոլոր դժւարութիւններով հանդերձ՝ աշխատում է հնարաւորութեան սահմաններում նեցուկ հանդիսանալ դպրոցներին եւ դժւարութիւնները մեղմացնելով ապահովել եւ բարելաւել հայկական դպրոցների կրթական մակարդակը, որն իր կարեւորութեամբ միշտ առաջնահերթ է համարւել:

Նա անդրադառնալով որոշ դպրոցներում անհրաժեշտ շինարարական աշխատանքներին յայտնեց, որ ներկայիս ընթացքի մէջ է «Թունեան-Թովմասեան» դպրոցի սրահի յատակի նորոգման աշխատանքը նաեւ հաստատւել է «Շանթ-Մարիամեան» դպրոցում վերելակի տեղադրման ծախսերի նախահաշիւը, որը դա եւս իրագործման ընթացքի մէջ կը դրւի յառաջիկայ օրերին: Պրն. Արամեանը յաւելեց, որ ընթացքի մէջ է նաեւ Համակարգչային ճիւղի համար անհրաժեշտ սարքերի գնման աշխատանքը, որոնցից թւով 10-ը ստացել ենք Երկրի դպրոցները սարքաւորումներով օժտող, զարգացնող եւ վերակառուցող կազմակերպութիւնից (سازمان نوسازی توسعه و تجهیز مدارس کشور) եւ մնացեալը 28-ը կը տրամադրւի Թեմական խորհուրդի կողմից:

Հանդիպման աւարտին պրն. Նորայր Արամեանը բարձր գնահատեց Կրթական խորհրդի անձնակազմի հետեւողական աշխատանքը եւ յաջողութիւն մաղթեց ապագայ աշխատանքներին:

Ազգային Առաջնորդարանի Հանրային կապ

 

ՏՕՆԵՐ

Կրօնական Տօների Օրացոյց


Երկուշաբթի 25 Մարտի 2024;
Աւագ երկուշաբթի

Երեքշաբթի 26 Մարտի 2024;
Աւագ երեքշաբթի

Չորեքշաբթի 27 Մարտի 2024;
Աւագ չորեքշաբթի

Հինգշաբթի 28 Մարտի 2024;
Աւագ հինգշաբթի

Ուրբաթ 29 Մարտի 2024;
Աւագ ուրբաթ

Շաբաթ 30 Մարտի 2024;
Ճրագալոյց

Կիրակի 31 Մարտի 2024;
Սուրբ Յարութիւն կամ Զատիկ

Կիրակի 07 Ապրիլի 2024;
Կրկնազատիկ եւ Աւետումն Սուրբ Կոյս Մարիամ Աստւածածնի

Կիրակի 14 Ապրիլի 2024;
Կանաչ կամ Աշխարհամատրան Կիրակի

Կիրակի 28 Ապրիլի 2024;
Սուրբ Խաչի Երեւման Տօն

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ