ՀԱՆԴԻՊՈՒՄ ԹԵՀՐԱՆԻ ԿՈՒՍԱԿԱԼ ԴՈԿՏ. ՂԱՍԵՄ ՄՈՀԱՄՄԱԴ ԹԵՀՐԱՆԻԻ ՀԵՏ

Չորեքշաբթի թւականիս յունիսի 1-ին, Թեմական խորհրդի ատենապետ ճրտպ. Նորայր Արամեանը ընկերակցութեամբ Ազգային Առաջնորդարանի դիւանապետ Զօրիկ Կարապետեանի, այցելեցին Թեհրանի Կուսակալութիւն եւ հանդիպում ունեցան նորանշանակ կուսակալ դոկտ. Ղասեմ Մոհամմադ Թեհրանիի հետ:

Հանդիպման սկզբին պրն. Արամեանը շնորհաւորեց եւ յաջողութիւն մաղթեց դոկտ Թեհրանիին ստանձնած նոր պաշտօնի առիթով, որից յետոյ բացատրութիւններ ներկայացւեց Կառոյցիս ընդհանուր դրւածքի, համայնքիս աշխատանքների եւ ապագայ հեռանկարների կապակցութեամբ, որտեղ նաեւ ընդգծւեց երկկողմ յարաբերութիւնների կարեւորութիւնը, առհասարակ աշխատանքների ընթացքի եւ հաւանական խնդիրների լուծման գործընթացի առումով:

Պրն. Թեհրանին իր հերթին ողջունեց ու շնորհակալութիւն յայտնեց այցի համար եւ յոյս յայտնեց, որ յառաջիկայում շարունակւեն նմանատիպ հանդիպումները նաեւ ցանկացաւ առիթ ընձեռնւի Ազգային Առաջնորդարան այցելելու եւ Թեմակալ Առաջնորդի հետ հանդիպելու կապակցութեամբ:

Ազգային Առաջնորդարանի Հանրային կապ