Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Թեհրանի Սուրբ Թարգմանչաց Եկեղեցի

Սուրբ Թարգմանչաց եկեղեցին գտնւում է Վահիդիէ պողոտայի, Մադրասէ Արամանէ փողոցում:

Հայութիւնը սկսել է հաստատւել Թեհրանի արեւելքում գտնւող Վահիդիէ քաղաքամասում 1945-46 թւականներից: 1962 թւին Ղազւինի մօտ գտնւող Բոինզահրա շրջանի հայաբնակ Ղարաղան գիւղում տեղի ունեցած երկրաշարժը լուրջ աւերածութիւնների եւ մարդկային զոհերի պատճառ դարձաւ: Երկրաշարժից տուժածներին վերաբնակեցնելու նպատակով, Եկեղեցիների Միջազգային Խորհուրդը (կենտրոնը՝ Հոլլանդիա) Թ.Հ.Թ. Թեմական Խորհրդի համագործակցութեամբ եւ թաղամասի բնակիչների նիւթական աջակցութեամբ կառուցապատեց 6000 քմ. մի հողամաս Զարքեշ փողոցում:

Հայ բնակչութեան թւի մեծանալը անհրաժեշտ դարձրեց թաղամասում կրօնական արարողութիւնների համար եկեղեցի հիմնել: 1966 թւի Հոկտեմբեր 6-ին եկեղեցու հիմնօրհնէքից յետոյ սկսւած շինարարական աշխատանքները աւարտւեցին 1968 թւին եւ եկեցեցին օծւեց նոյն տարւայ դեկտեմբեր ամսին Արտակ Արքեպիսկոպոս Մանուկեանի ձեռամբ:

Եկեղեցին սկզբում կազմւած էր միայն հոլլանդացիների կողմից կառուցւած աղօթասրահից, որին աւելի ուշ աւելացաւ զանգակատունը՝ հիւսիսային կողմում եւ գմբեթը: Հետագայում կառուցւեց առանձին սրահ մոմավառութեան համար
Ճարտարապետ Սերոժ Սուքիասեանի միջոցով: Եկեղեցին երեսպատւած է աղիւսով, ներքին պատերը գաջապատւած եւ զարդարւած են Սուրբ Գրքից ներշնչւած նկարչութիւններով:

Կատարւած փոփոխութիւնների արդիւնքում, եկեղեցին, որը արտաքինից արեւելքից արեւմուտք ձգւող բազիլիկաձեւ կառոյց է, հիւսիսային ու հարաւային թեւերի շնորհիւ դարձել է խաչաձեւ :

Հայ հոգեւորական եւ գիտնական Մեսրոպ Մաշտոցը 405 թւականին յօրինեց հայոց այբուբէնը եւ կրթեց մօտ հարիւր աշակերտ, որոնք հայերէնի թարգմանեցին բազում կրօնական եւ գիտական գրքեր: Աշակերտների այս բոյլը յայտնի է որպէս «Սուրբ Թարգմանիչներ»: Սոյն եկեղեցին կոչւում է հէնց նրանց անունով:

Եկեղեցին գործող է եւ գտնւում է Թ.Հ.Թ. Թեմական Խորհրդի իրաւասութեան ներքոյ: Այն կառավարւում է Թեմական խորհրդի կողմից ընտրւած եկեղեցական խորհրդի միջոցով:

 

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ