Հայոց առաքելական Սուրբ եկեղեցին, Յիսուս Քրիստոսի Պայծառակերպութիւնը այս տարի տօնակատարեց յուլիսի 11-ին, բայց ցաւօք, Թեհրանում համաճարակային սահմանափակումների պատճառով, բոլոր եկեղեցիներում տօնական Սուրբ եւ անմահ պատարագը մատուցւեց դռնփակ կարգով։ Անշուշտ եկեղեցասէր ու բարեսէր ժողովուրդն անմասն չմնաց Սուրբ եւ անմահ պատարագի արարողութիւնից: Արարողութիւնը եկեղեցիների ինստագրամային էջերով մատուցւեց հանրութեանը։
2021 թւականի յուլիսի 10-ի կէսօրին, Թեմիս Առաջնորդ՝ Գերշ. Տ. Սեպուհ Ս. Արք. Սարգսեանը իր գրասենեակում ընդունեց, ԻԻ խորհրդարանի Թեհրանի եւ Հիւսիսային Իրանահայութեան Պատգամաւոր՝ պրն. Արա Շահվերդեանին: Պրն. Արա Շահվերդեանը Սրբազան Հօրը զեկուցեց Հայաստան, Վրաստան եւ Բելառուս կատարած իր ճամբորդութեան մասին, այնուհետ միասին խօսեցին գաղութի կեանքը յուզող հարցերի վերաբերեալ: Մէկ ժամ տեւող հանդիպումը անցաւ շատ մտերմիկ եւ անկեղծ մթնոլորտում:
2021 թւականի յուլիսի 7-ի կէսօրին, Թեմիս Առաջնորդ՝ Գերշ. Տ. Սեպուհ Ս. Արք. Սարգսեանը իր գրասենեակում ընդունեց, ԻԻ խորհրդարանի Թեհրանի եւ Հիւսիսային Իրանահայութեան նախկին պատգամաւոր՝ դոկտ. Կարէն Խանլարեանին, որ այս օրերին Թեհրան էր ժամանել:
Այսու յարգոյ պատգամաւորներին հրաւիրում ենք մասնակցելու Պատգամաւորական ժողովին՝ թւականիս երեքշաբթի, չորեքշաբթի, հինգշաբթի եւ շաբաթ յուլիսի 13-ին, 14-ին, 15-ին եւ 17-ին, երեկոյեան ժամը 6:00-ին, «Արարատ» մարզաւանում:
Շաբաթ, թւականիս յուլիս 3-ի առաւօտեան, Թեմիս բարեխնամ Առաջնորդ՝ Տ․ Սեպուհ Սրբազան Արք․ Սարգսեանի նախագահութեամբ` Կրօնական խորհուրդը, մասնակցութեամբ քահանայ հայրերի եւ քրիստոնէական դաստիարակութեան բաժանմունքի պատասխանատու՝ տկն. Շաքէ Եղիայեանի, գումարեց իր հերթական նիստը Ազգային առաջնորդարանի դահլիճում։
Ուրբաթ, յուլիսի 2-ի առաւօտեան, Սարդարապատ քաղաքամասում գտնւող «Սահակեան» ազգային բարեսիրական կենտրոնում, Թեմիս առաջնորդ՝ Գերշ. Տ. Սեպուհ Ս. Արք. Սարգսեանի ձեռամբ մեկնարկը տրւեց հանրակացարանային համալիրի երկրորդ եւ երրորդ յարկաբաժինների շահագործմանը:
Յառաջիկայ ամսւայ ընթացքին բոլորւելու է Թ.Հ.Թ. Թեմական խորհրդի երկամեայ գործունէութեան ժամանակաշրջանը, այդ իսկ առիթով խորհուրդս խորհրդակցական հանդիպումներ է կազմակերպում կառոյցիս մարմինների անձնակազմերի հետ, երախտագիտութիւն յայտնելու իրենց երկամեայ գործունէութեան համար, միեւնոյն ժամանակ ուկնդրելու նրանց հարցերն ու խնդիրներն, ապագայում առաւել արդիւնաւէտ գործունէութիւն ծաւալելու նպատակով։
Կիրակի 27 յունիս 2021-ին յընթացս Ս. եւ անմահ պատարագի, Թեհրանի մեր բոլոր եկեղեցիներում կատարւեց Հայրապետական Մաղթանք, Ս. Աթոռիւս գահակալ՝ Ն.Ս.Օ.Տ.Տ. Արամ Ա. Կաթողիկոսի ընտրութեան եւ օծման քսանվեցերրորդ տարեդարձի առիթով:
Թեհրանի հայոց թեմի Կրթական խորհուրդը անցնող տարւայ ընթացքում չնայած կորոնայի համաճարակին, այնուամենայնիւ իր աշխատանքներն է իրականացրել զանազան ոլորտներում: Կատարւած աշխատանքների մասին համայնքին իրազեկելու նպատակով հարցազրոյց ենք ունեցել Թ. Հ. Թ. Կրթական խորհրդի ատենապետ՝ Ալֆրէդ Կարապետեանի եւ ատենադպիր՝ Մելինդա Քեարիմ Մասիհիի հետ:
1-Ի՞նչու կատարւեց Հայաստանում խորհրդարանական արտահերթ ընտրութիւնները:
Արցախեան վերջին պատերազմից խայտառակ, ապաշնորհ եւ անփառունակ արդիւնքով դուրս գալուց մինչեւ 20 յունիս 2021 –ի կատարւած խորհրդարանական արտահերթ ընտրութիւնները, հայ ժողովուրդը Հայաստանում, Արցախում եւ յատկապէս սփիւռքում ապրեց յոյսի, վառ ապագայի բարձր տրամադրութեամբ,որովհետեւ հաւատացած էր, որ պատերազմում պարտւած եւ իր ետին աւելի քան 5000 նահատակներ, շուրջ 4000 վիրաւորների, անդամահատւածների, անհետ կորածների եւ տակաւին գերութեան մէջ եղող գերիների դառն իրականութեան ի տես, ժողովուրդը զգաստութեան եւ զգօնութեան բնական զգացումներով, ապրումներով առաջնորդւած պիտի աշխատէր պարտեալ ղեկավարից եւ իր թիմից ձերբազատւել։ Սակայն այդպէս չեղաւ, ընդհակառակը․ պարտեալը «յաղթական» դուրս ելաւ խորհրդարանական ընտրութիւններից։ Հայութեան կարեւոր մի մասը, գիտակից երիտասարդութիւնն ու պայքարունակ ժողովուրդը յուսախաբութեան եւ յուսաբեկութեան նոր ալիքով պարուրւեց։ Ի՞նչն է այս «ողբերգութեան» պատճառը։