Աշխարհը տագնապի մատնած, կեանքը դառնացուցած թագաժահր համաճարակը մօտաւորապէս երկու տարուց ի վեր մանգաղը ձեռքը առած հնձում է իր առջեւ ելած ամէն ինչ յատկապէս մարդ էակը։ Միլիոնաւոր մարդիկ զոհ են եղել եւ դեռեւս զոհ են գնում վերոյիշեալ համաճարակից։
Համաճարակի զոհերից եղաւ մեր սիրելի Մեսրոպը, մարդ որ մարդու տեսակի ամենալաւերից էր. մի մարդ, որի սիրտը փափախում էր իր ընտանիքի, ընտանիքի հարազատների սիրով, մի մարդ, որ իր ծնողներից ժառանգած ՛՛բալու՛՛ական բարութեամբ, անկեղծութեամբ ու հարազատութեամբ ազնւութիւն էր բուրում, սէր ու նւիրում էր բաշխում իր սիրելիներին, հայրենակիցներին։
Չգիտեմ ինչպէս սկսեմ …։
Գրասենեակում նստած, գրասեղանիս առաջ կարծում եմ, որ հիմա ներս ես մտնելու եւ ասես.«Սրբազան մի բան ուզում էք»։ Իզուր եմ դուռին նայում, միայն քո ստւերն եմ տեսնում եւ յանկարծ ժպտում եմ եւ դէմքդ ուրւագծւում է մի պահ. հեռաձայնի զանգը սթափեցնում է ինձ… սառն ու դառն իրականութիւն… Ալֆրէդը չկայ։ Չկայ իր պայծառ ու խնդումերես դիմագծով, իր քաղցր ժպիտով ու ծառայելու պատրաստակամ ոգիով։ Չկայ իր հաճելի ու դիւրահաղորդ ներկայութեամբ։
Երեքշաբթի թւականիս սեպտեմբերի 28-ին, Թեմիս Առաջնորդ Գերշ. Տ. Սեպուհ Ս. Արք. Սարգսեանն իր գրասենեակում ընդունեց Բժշկագիտական համալսարանի դասխօս եւ Բժշկական գիտութիւնների ակադեմիայի մնայուն անդամ՝ Դոկտ. Մոհամմադ Հոսէյն Նիքնամիին, որը եկած էին քաղաքավարական այցելութիւն տալու Առաջնորդ Սրբազանին:
Երեքշաբթի թւականիս սեպտեմբերի 28-ին, Թեմիս Առաջնորդ Գերշ. Տ. Սեպուհ Ս. Արք. Սարգսեանն իր գրասենեակում ընդունեց Հ.Մ. «Րաֆֆի» միութեան վարչութեան ներկայացուցիչներին, որը եկած էին քաղաքավարական այցելութիւն տալու Առաջնորդ Սրբազանին:
Թեմիս Առաջնորդ Սրբազան Հայրը եւ Ազգ. Առաջնորդարանի ողջ պաշտօնէութիւնը, խոր վշտով գուժում են Ազգ. Առաջնորդարանի երկարամեայ պաշտօնեայ (Սրբազան Հօր շարժավար)՝ ԱԼՖՐԷԴ ՇԱՀՄԻՐԵԱՆԻ մահը, որը տեղի ունեցաւ շաբաթ 2 հոկտեմբեր 2021 թ. առաւօտեան:
Խորապէս ցաւակցում ենք իր ընտանիքին՝ Տիկնոջը, Դստեր, Ծնողքին եւ Եղբայրներին:
Թաղման հետ կապւած մանրամասնութիւնները շուտով կը ծանուցւեն:
ԽԱՂԱՂՈՒԹԻՒՆ ԻՐ ՀՈԳՈՒՆ
ԴԻՒԱՆ ԱԶԳ. ԱՌԱՋՆՈՐԴԱՐԱՆԻ ԹԵՀՐԱՆԻ ՀԱՅՈՑ ԹԵՄԻ
Չորեքշաբթի՝ թւականիս սեպտեմբերի 22-ին, Ազգային Առաջնորդարանի դահլիճում, Կրթական խորհրդի հրաւէրով, Սրբազան Հօր առաջարկով կազմակերպւեց հանդիպում Թեհրանի հայոց դպրոցների տեսուչ-ուհիների և փոխտեսուչ-ուհիների հետ:
Հանդիպմանը ներկայ էին Թեմիս Բարեխնամ Առաջնորդ Գերշ․ Տ․ Սեպուհ Ս․ Արք․ Սարգսեանը, Թեմական խորհրդի ատենապետ՝ ճրտպ. Նորայր Արամեանը և Թեմական խորհրդում Կրթական խորհրդի կապ՝ Աշոտ Սինանեանը:
ԿԽ ատենապետ՝ Ալֆրէդ Կարապետեանը խորհրդի անունից ողջոյնի և շնորհակալական խօսքեր յղեց ներկաներին նշելով, որ այս կարևոր և անմիջական հանդիպումը, նոր ուսումնական տարւան ընդառաջ կազմակերպւել է Սրբազան Հօր առաջարկով և պատգամով:
Կիրակի թւականիս սեպտեմբերի 26-ին, Թեմական խորհրդի ատենապետ՝ ճրտպ. Նորայր Արամեանը ընկերակցութեամբ Խորհրդի ատենադպիր՝ Վահէ Թարոյեանի եւ Ազգ. Առաջնորդարանի դիւանապետ՝ Զօրիկ Կարապետեանի այցելել են Երկրի Ընդհանուր Դատախազութիւն եւ հանդիպում են ունեցել Գլխաւոր Դատախազի առաջին տեղակալ՝ Հոջաթոլիսլամ Սէյէդ Մոհսէն Մուսաւիի հետ։
Շաբաթ 25 սեպտեմբեր 2021 թ.-ին, նախագաութեամբ թեմիս Բարեխնամ Առաջնորդ Տ․ Սեպուհ Ս․ Արք․ Սարգսեանի Ս․ Գէորգ եկեղեցում տեղի ունեցաւ Ս․ Գէորգ Զօրավարի յիշատակութեան եւ նոյնանուն եկեղեցու անւանակոչութեան տօնը։
Երկուշաբթի, 2021 թւականի սեպտեմբերի 20-ին, Թեմական խորհրդի ատենապետ՝ ճրտպ. Նորայր Արամեանը, ընկերակցութեամբ Խորհրդի անդամ՝ Ռաֆիկ Մելիքսէթեանի, Հայ Համալս. Ընդհ. Միութեան կենտրոնատեղիում հանդիպում են ունեցել Միութեան վարչութեան ներկայացուցիչների հետ:
Չորեքշաբթի, 22 սեպտեմբեր 2021 թւականին «Արտակ Մանուկեան» ազգային թանգարանում, Պաշտպանութեան սրբազան շաբաթւայ առիթով տեղի ունեցաւ Իրանահայ նահատակներին նւիրւած միջոցառում, հիւրընկալութեամբ Թեմիս Բարեխնամ Առաջնորդ՝ Գերշ․ Տ․ Սեպուհ Ս․ Արք․ Սարգսեանի եւ Թեմական խորհրդի ատենապետ՝ ճրտպ. Նորայր Արամեանի եւ խորհրդի ատենադպիր՝ Վահէ Թարոյեանի եւ նոյն խորհրդի անդամ՝ Ռաֆիկ Մելիքսէթեանի ու ներկայութեամբ Գլխաւոր դատախազի առաջին տեղակալ՝ Հոջաթոլիսլամ Սէյեդ Մոհսէն Մուսաւիի, Զօրավար՝ Դաւուդ Ղիասի Ռադի, Քաղխորհրդի շինարարական յանձնաժողովի նախագահ՝ Հոջաթոլիսլամ Սէյեդ Մոհամմադ Աղա Միրի եւ Մշակոյթի եւ իսլամական առաջնորդութեան նախարարութեան փոքրամասնութիւնների կրօնների վարչութեան ներկայացուցիչների: