Կրօնական Խորհուրդը իր 11-րդ շրջանի 2-րդ նիստում նկատի ունենալով համաճարակային վիճակի շարունակութիւնը որոշում կայացրեց՝
Մշակոյթի շաբաթւայ առիթով չորեքշաբթի 13 հոկտեմբեր 2021-ի երեկոյեան, Հ. Ուս. «Չհարմահալ» միութեան «Յ. Թումանեան» սրահում, Սրբազան Հօր ձեռամբ եւ Թեմական խորհրդի ներկայացուցիչների ներկայութեամբ բացումը կատարւեց իր տեսակի մէջ իւրայատուկ՝ «Հայերէն դասագրքերի, դպրոցական համզգեստների եւ գրենական պիտոյքների» ցուցահանդէսի, որը կազմակերպւել էր հովանաւորութեամբ Թեմիս Առաջնորդ Տ. Սեպուհ Ս. Արք. Սարգսեանի, Թ.Հ.Թ. Թեմական խորհրդի ու Կրթական խորհրդի եւ նախաձեռնութեամբ կազմակերպիչ յանձնախմբի:
Չորեքշաբթի 13 հոկտեմբեր 2021-ի առաւօտեան, Թեմիս Առաջնորդ գերշ. Տ. Սեպուհ Ս. Արք. Սարգսեանն իր գրասենեակում ընդունեց նախկին Իրանահայ եւ այժմ Հայաստանաբնակ՝ ճրտպ. Ալբերթ Աճեմեանին, ով երկար տարիներ շարունակ իր ներդրումն է ունեցել Համայնքիս ազգային-հասարակական եւ եկեղեցական կեանքում:
Չորեքշաբթի թւականիս սեպտեմբերի 22-ին, Սասուն քաղաքամասի Քաղաքապետ՝ Մասուդ Ռանջբարանը այցելեց Իրան-Իրաք պարտադրեալ ութամեայ պատերազմի տարիներին նահատակւած՝ Վարդան Աղախանեանի եւ Ռազմիկ Խաչատրեանի ընտանիքներին, որտեղ ներկայ էր նաեւ Իրան-Իրաք պարտադրեալ պատերազմի Հայ նահատակների եւ Անձնուրացների Արժէքների Պահպանման Յանձնախմբի ներկայացուցիչ՝ տկն. Վալենթին Յարութին:
Շաբաթ 9 հոկտեմբեր 2021-ին, Հայոց Առաքելական Եկեղեցին տօնակատարեց Սրբոց Թարգմանչաց տօնը։ Սրբ. Թարգմանչաց տօնը՝ Տօնն է նաեւ համանուն Եկեղեցւոյ անւանակոչութեան:
Այդ առիթով, Թեհրանի Սրբոց Թարգմանչաց եկեղեցում նախագահութեամբ Թեմիս բարեխնամ Առաջնորդ Գերշ. Տ. Սեպուհ Ս. Արք. Սարգսեանի եւ ձեռամբ Արժ. Տ. Սարգիս Քհնյ. Խոսրովեանի մատուցւեց Սուրբ եւ անմահ Պատարագ։
Երեքշաբթի թւականիս հոկտեմբեր 12-ին, Ազգային Առաջնորդարանի դահլիճում, հրաւէրով եւ նախագահութեամբ Թեմիս Բարեխնամ Առաջնորդ Գերշ․ Տ․ Սեպուհ․ Ս․ Արք․ Սարգսեանի տեղի ունեցաւ նորընտիր Կրօնական խորհրդի անդրանիկ նիստը։ Նիստին ներկայ էին կրօնական խորհրդի անդամներն ու Պատգամաւորական ժողովի դիւանի ներկայացուցիչներ Ատանպետ՝ Վահիկ Աղաքեանը եւ Ատենադպիր՝ Յարութիւն Եղնազարեանը։
Այսու մեր սիրելի համայնքի ուշադրութեան ենք յանձնում, որ նորընտիր Թեմական Խորհուրդը առաջիկայ օրերում նշանակելու է Խորհրդի ենթակայ ազգային մարմինների անձնակազմերը, ուստի համագործակցելու ցանկութիւն ունեցող հայրենակիցները, դիմումնագիր ներկայացնելու համար հնարաւորութիւն ունեն մինչեւ թւականիս հոկտեմբերի 20-ը աշխատանքային ժամերին դիմել Ազգային Առաջնորդարան:
Կիրակի թւականիս հոկտեմբերի 10-ի երեկոյեան, Ազգ. Առաջնորդարանի դահլիճում գումարւեց Թ.Հ.Թ. նորընտիր Թեմական խորհրդի Անդրանիկ նիստը՝ հրաւէրով եւ նախագահութեամբ Թեմիս Առաջնորդ Գերշ. Տ. Սեպուհ Ս. Արք. Սարգսեանի եւ ներկայութեամբ Պատգամաւորական ժողովի դիւանի ատենապետ՝ Վահիկ Աղաքեանի եւ ատենադպիր՝ Յարութիւն Եղնազարեանի։
Մի շաբաթ է ինչ հոկտեմբեր ամսի մէջ ենք, այսինքն մշակոյթի, Սրբոց Թարգմանչաց յիշատակի ոգեկոչման հրամայականի առաջ ենք ազգովին ու կոչւած ենք Թարգմանիչների շունչով օծուն մշակութաբոյր այս օրերին մի անգամ եւս թղթատելու մեր հեռաւոր ու մօտաւոր պատմութեան էջերը, վերապրելու խորհուրդը Թարգմանիչների աստւածաբոյր գործին՝ հայ գրերի գիւտին, Աստւածաշունչ Մատեանի թարգմանութեան, հայ եկեղեցու ողջ ծէսին, ծիսական արարողութեան հայացումին եւ ըստ այնմ գործելու։
Մի ազգի, ժողովրդի ինքնութեան, ինքնատպութեան եւ շրջապատից տարբերելու գործօնը իր մշակոյթն է, իր գիրն ու գրականութիւնը, պատմութիւնն ու ճարտարապետութիւնը, երաժշտութիւնն ու մանրանկարչութիւնը, հոգեւոր երաժշտութիւնն ու գրականութիւնը յատկանշւած իր խորհրդի հոգեւոր բովանդակութեամբ։
Չորեքշաբթի 6 հոկտեմբեր 2021 թւականին, Թեմիս Առաջնորդ Գերշ. Տ. Սեպուհ Ս. Արք. Սարգսեանն իր գրասենեակում ընդունեց Սրբ. Թարգմանչաց եկեղեցու խորհրդի ատենապետուհի՝ Քառոլին Մանդանեանին եւ Խորհրդի անդամներ՝ տկն. Ժաքլին Շահմիրեանին եւ պրն. Ջանսէն Յակոբեանին: Հանդիպման ներկայ էր նաեւ քրիստոնէական դաստիարակութեան բաժանմունքի պատասխանատու՝ տկն. Շաքէ Եղիայեանը: