Երկուշաբթի՝ 2020 թւականի յուլիս 13-ի առաւօտեան, Թեմիս Առաջնորդ՝ գերշ. Տ. Սեպուհ Ս. Արք. Սարգսեանը Ազգային Առաջնորդարանի դահլիճում ընդունեց Չեխիայի հանրապետութեան նորանշանակ դեսպան՝ պրն. Ժոզէֆ Ռաքթրին:

Շաբաթ՝ 2020 թւականի յուլիս 11-ին Թեհրանի նահանգային խորհրդի նախագահ եւ Թեհրանի Իսլամական քաղխորհրդի անդամ՝ տկն. Էլհամ Ֆախարիին, Թեհրանի քաղաքապետարանի բարեզարդման հիմնարկութեան նախագահ՝ պրն. Բարզինը Զարղամին եւ Թեհրան նահանգի քաղխորհրդի կրօնական եւ ազգային փոքրամասնութիւնների հարցերով նախագահի խորհրդատու՝ պրն. Արմէն Նազարեանը այցելեցին հանգուցեալ արւեստագէտ-քանդակագործ՝ Լիլիթ Տէրեանի բնակարան:

Ցաւով եւ սրտի դառն կսկիծով լսեցինք թուրքական դատարանի այն որոշումը, ըստ որի ընդառաջելով նախագահ Էրդողանի առաջարկին, պատմական Սուրբ Սոֆիայի տաճարը վերածւելու է մզկիթի:

Պատմական խորքից եկող Սուրբ Սոֆիայի տաճարը մի կողմից խորհրդանիշ է՝ քրիստոնէական ճարտարապետութեան, եւ միւս կողմից էլ երկու կրօնների՝ քրիստոնեայ-իսլամ համակեցութեան խորհրդանիշ:

Պայծառակերպութեան` վարդավառի շաբաթապահքը նախորդող կիրակին բարեկենդան է։Հայոց Առաքելական Եկեղեցին իւրաքանչիւր տաղաւար տօնից առաջ շաբաթապահք է հաստատել,որպէսզի հաւատացեալները պահքով եւ ապաշխարութեամբ` հոգով զօրացած դիմաւոր են եկեղեցու տաղաւար տօները, եւ հաղորդութեամբ լիցքաւորւել Աստուածային օրհնութեամբ։

Ստեղծագործութեան թագն ու պսակը եղող մարդ արարածը քիչ անգամ մտածում է այն առանձնաշնորհումի մասին, որով Աստւած նրան ստեղծել է։ Ստեղծագործութեամբ մարդ արարածը կոչւեց աշխատելու եւ իր աշխատանքով աշխարհին տիրելու, այսինք տիրութիւն անելու եւ ոչ թէ իշխելու։

Նկատի ունենալով երկրում տիրող համաճարակային ահաւոր իրավիճակը եւ կորոնավիրուսից վարակւածների ու մահւան աճի արձանագրումը, Թեմիս հաւատացեալ եւ բարեպաշտ զաւակների ուշադրութեանն ենք յանձնում, որ սոյն թւականի յուլիսի 9-ից սկսեալ կրկին անգամ մեր եկեղեցիներում մատուցւելիք Ս. եւ անմահ Պատարագները կանցկացւեն դռնփակ՝ առանց հաւատացեալների մասնակցութեան։

Յիսուս Քրիստոսը՝ իր փրկչական առաքելութիւնը երկրում տարածելու եւ մարդկանց փրկութեան գործը իր լրումին հասցնելու նպատակով, ընտրեց Տասներկու առաքեալներին: Նրանք կոչւեցին առաքեալներ, նւիրեալներ՝ որոնք ուղարկւեցին՝ Աստծու պատւիրանները քարոզելու եւ Ս․ Երրորդութեան անունով մարդկանց մկրտելու, հիւանդներին բժշկելու եւ Աստծու արքայութիւնը տարածելու համար: Քրիստոսը իր նախախնամական հոգատարութեամբ՝ տարբեր պայմաններում թրծեց եւ պատրաստեց նրանց, իրենց ապագայ առաքելութիւնների համար։ Նրանք լսեցին Յիսուսի քարոզները,տեսան Նրա հրաշքները եւ Նրա խաչելութեան ու յարութեան վկան եղան: Քրիստոսը Իր համբարձումից առաջ առաքեալներին ասաց. «Ամէն իշխանութիւն տրւեց Ինձ երկնքում եւ երկրի վրայ : Ինչպէս որ Հայրն Ինձ ուղարկեց, այնպէս էլ Ես ձեզ եմ ուղարկում: Գնացէ՛ք, ուրեմն, եւ բոլոր ժողովուրդներին Իմ աշակերտնե՛րը դարձրէք: Մկրտեցէ՛ք նրանց Հօր, Որդու եւ Սուրբ Հոգու անունով» (Մատթէոս 28:18-19):

Հայ Առաքելական սուրբ եկեղեցին Եղիսէ մարգարէի յիշատակը այս տարի նշում է ,Յուլիսի 9-ին:

Եղիսէ անունը նշանակում է «Աստւած փրկութիւն է»։ Նա Եղիա մարգարէի աշակերտն էր, և ապրում էր Հրէաստանում Քրիստոսից առաջ՝ 9-րդ դարում: Եղիա մարգարէն Տիրոջ հրամանով Եղիսէին դաստիրակեց իբրև իր յաջորդի: Նրա ընտրութիւնը նման է Ղեւիի՝«Մատթէոս Աւետարանչի» կոչումին։ Ինչպէս Ղեւին ընդունելով Քրիստոսի հրաւէրը, թողեց իր աշխատանքը, եւ ուրախութեամբ խրախճանք կազմակերպեց, ապա հետեւեց Քրիստոսին, այստեղ եւս Եղիսէն սիրով ընդունում է Եղիայի հրաւէրը, թողնում իր տասներկու լուծ եզերը ու գութանը,զոհում դրանցից երեքը ։ Վերջինս իր ուսուցչին հետեւում է մինչև վերջ, տեսնում է հրեղէն կառքով նրա երկինք բարձրանալը: Եղիսէն իր ուսուցչից խնդրում է իրեն տալ իր ունեցած Սուրբ Հոգու զօրութեան կրկնակի չափը:

Սոյն գրութեամբ մեր սիրելի հայրենակիցների ուշադրութեան ենք յանձնում, որ նկատի առնելով երկրում տիրող կորոնավիրուս համաճարակի պատճառով գոյացած առողջապահական ճգնաժամային իրավիճակը, որը վերջին օրերի ընթացքում զարգացել եւ երկրում արձանագրւել է կորոնավիրուսի հետեւանքով մահկանացուների ամենաբարձր ցուցանիշը նաեւ աճել է հիւանդութեան նոր դէպքերի թիւը՝ հարկ է առաւել քան երբեւէ զգուշաւոր լինել եւ աւելի ուշադիր հետեւել երկրի Առողջապահութեան նախարարութեան միջոցով հաղորդւող յորդորներին։

Զաքարիա մարգարէն, այն մարգարէն է, որ Եսայիա մարգարէի նման հեռւից տեսաւ Քրիստոսին։ Զաքարիա անունը նշանակում է «Տէրը յիշում է»։ Նա որդին էր Բարաքէի որ, ծնւեց Իսրայէլում՝ պարսից Դարեհ թագաւորի իշխանութեան 2-րդ տարւայ 8-րդ ամսում։