Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Իսլամական Յեղափոխութեան Տարեդարձը տօնւեց Հ.Մ.Մ. Րաֆֆի Համալիրում

Ուրբաթ 17 փետրւարին, Հ.Մ.Մ. Րաֆֆի համալիրում տօնւեց Իսլ. Յեղափոխութեան 38-րդ տարեդարձը:

Ծրագրին ներկայ էին Իսլամական Խորհրդարանում Թեհրանի և Հիւսիսային իրանահայութեան պատգամաւոր՝ դոկտ. Կարէն Խանլարեանը, Կոմիտաս քհն. Ղարախանեանը, շրջանի մարզական պատասխանատու՝ Ալի Իլքան, Թեմական Խորհրդի անդամ՝ Վարդան Բաբախանեանը, հայ անձնուրացների արժէքների պահպանման յանձնախմբի անդամները, միութիւնների ներկայաուցիչները և մեծ թւով հայրենակիցներ:

Ծրագիրը սկսւեց տէրունական աղօթքով: Պետական հիմնի ցրման ժամանակ Իրանի դրօշը ծածանեցին ժայռամագլցող պատանի մարզուհիները, որոնք առանձին գնահատագրեր ստացան շրջանի մարզական պատասխանատուի ձեռքից:

Ապա պարսկերէնով ընթերցւեց Թ.Հ.Թ.-ի առաջնորդ Տ. Սեպուհ արք. Սարգսեանի պատգամը՝ Իսլ. Յեղափոխութեան առիթով:

Որպէս օրւայ բանախօս, պարսկերէնով ելոյթ ունեցաւ դոկտ.Անդրանիկ Սիմոնեանը:

Ծրագրի աւարտին ելոյթ ունեցաւ շրջանի մարզական պատասխանատու՝ Ալի Իլքան:

Ծրագրին ներկայացաւ նաև Իսլամական մշակոյթի և առաջնորդութեան նախարարութեան կրօնական փոքրամասնութիւնների պատասխանատու՝ Սայիդ Թաղաւին, որը եզրափակիչ ելոյթ ունեցաւ:

Ծրագրի տարբեր բաժիններում հնչեցին մեներգեր և արտասանութիւններ հայերէն և պարսկերէն լեզուներով: Թևան Քոչարեանի ղեկավարած Ջիւանի աշուղական խումբը նաև կատարեց ուրախ երգեր:

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ