Հ. Բ. Ը. Միութեան Նւարդ Գիւլբենգեան դպրոցը 2015-16 ուսումնական տարեշրջանը բոլորեց լի եռանդով և յաջող աշխատանքներով, որը կը ներկայացւի ներքոյ զեկոյցով:

Հայ ուսուցչական կազմ

Փոխտեսչուհի՝ Տկն. Լեռնիկ նազարեանց 16 տարիների աշխատանքային փորձ:

Հայոց լեզւի և Կրօնի ուսուցչուհիներ՝ օր. Արմինէ Մինա, 28 տարիների աշխատանքային փորձ և տկն. Լիդա Ասավիրդեան, 25 տարիների աշխատանքային փորձ:

Գրադարանապետ և լաբորատորիայի պատասխանատու՝ տկն. Թինա Վարդանեանց, 20 տարիների աշխատանքային փորձ:

Նկարչութեան ուսուցչուհի և գրասենեակի օգնական՝ տկն.Ալենուշ Թորիկեան, 15 տարիների աշխատանքային փորձ:

Մարզիչ՝ պրն. Վարազդատ Խեչոյեան, 3 տարիների աշխատանքային փորձ:

Ծնողական խորհուրդ

Ծնողական խորհրդի ընտրութիւնը տեղի ունեցաւ սեպտեմբեր 29-ին և ընտրւեցին հետևեալ անձիք՝ 

Նախագահ և նիւթականի պատասխանատու՝ տկն. Անգինէ Բէյգի

Փոխնախագահ՝ պրն. Վահիկ Զարգարեան

Քարտուղարուհի՝ տկն. Ալինա Յովսէփեան

Անդամներ՝ տկն. Յասմիկ Աւանէսեան և տկն. Անի Մելքոն

Անձնափոխանորդ՝ տկն. Ժենիա Մարութխանեան,  տկն. Էւլին Ասատրեան և տկն. Նարէ Վարդազարեան:

Ծնողական խորհուրդն օժանդակում և հովանաւորում է դպրոցում կատարւող բոլոր աշխատանքները: Այս տարի կատարել են հետևեալ աշխատանքները՝

Խրախճխանքի երեկոներ ծնողների համար, աշակերտների զուգարանների նորոգումը, տատիկների և պապիկների մէկօրեայ շրջագայութիւն Միլադ աշտարակ, տպագրել են «Մեր փոքրիկ մոլորակ» երկշաբաթաթերթը, կազմակերպել են հայրիկների ֆուտբոլի 4-րդ մրցաշարը, տնօրինել են 40-րդ համադպրոցական խաղերին մասնակցող աշակերտներին խաղերի ընթացքում, Նոր Տարւայ դիմաւորում դեկ. 31-ի գիշեր, 5-րդ և 6-րդ դասարանների համար երկսեռ ուրախ ժամանց և ...

Աշակերտական խորհուրդ

Այս տարեշրջանի աշակերտական խորհրդի ընտրութիւնը տեղի ունեցաւ հոկտեմբեր 26-ին և ընտրւեցին Շանթ Սուլթանեանը, Արգէն Մարկոսեանը, Էմիլ Մելիքեանը, Նարեկ Վարդանին, Արնի Զարգարեանը, Էրիկ Թահմասեանը և Ռենէ Վարդանեանը: Աշակերտական խորհրդի անդամները օժանդակել են դպրոցում կատարւող որոշ աշխատանքներում ինչպէս՝ աշակերտական օր, Ֆաջրի տօնակատարութիւն, գրքերի ցուցահանդէս–վաճառք և այլն:

Աշակերտական յաջողութիւններ

- Թ.Հ.Թ. Կրթական խորհրդի կողմից կազմակերպւած ասմունքի փառատօնում Էմիլ Ամիրեանը 4-րդ դասարանից, Դերէն Բրաթին և Մարտին Աղանեանսը 5-րդ դասարանից գնահատւեցին «շատ լաւ», իսկ նւագարանի փառատօնում Դանիէլ Բարոյեանը և Ռոդին Խաջաւին 3-րդ դասարանից, Ռենէ Վարդանեանը 5-րդ  դասարանից գնահատւեցին «շատ լաւ»:

- Թեհրանի ուսումնադաստիարակչական 6-րդ շրջանի լողի մրցութիւններում առաջին և երրորդ տեղերը գրաւեց Արմէն Աբնուսին և երկրորդ հանդիսացաւ Էմիլ Մելիքեանը: Նաև Արմէն Աբնուսին հրաւիրւեց Թեհրանի նահանգի աշակետրական լողի խմբում:

- Թեհրանի ուսումնադաստիրակչական 6-րդ շրջանի «جابربن حیان» «Ջաբեր էբն է Հայան» գիտական մրցոյթին 6-րդ դասարանից Հայդուկ Եղոյեանի,Վսեմ Արզոյեանի և Միրօ Շահմիրեանի իսկ 4-րդ դասարանից Արգին Սարգսեանի, Հրակ Յարութիւնի  և Մելւին Աբրահամեանի կատարած աշխատանքները արժանացան գնահատականների :

- Արմի Քեշիշին 4-րդ դասարանից առաջնութիւնը շահեց « پایگاه تغذیه سالم» «Առողջ սնունդ» նկարչութեան մրցութեան:

- Դպրոցի բասկետբոլի խումբը Թեհրանի ուսումնադաստիարակչական 6-րդ շրջանի բասկետբոլի մրցութիւններում առաջին հանդիսացաւ:

- Թ.Հ.Թ. Կրթական խորհրդի Քրիստոնէական դաստիարակութեան յանձնախմբի կողմից կազմակերպւած հոգևոր նկարչութեան մրցոյթին մասնակցեցին Առնօ Սայանեանը, Արեգ Նազարեանը, Դիոն Նուռեանը, Արմի Քեշիշին, Փաթրիկ Խուդավերդեանն և Ադրիէլ Թումանեանն և գնահատւեցին կազմակերպող յանձնախմբի կողմից:

- «Թիմզ» և «Անդիշմանդ» գիտելիքների մրցոյթ-քննութիւններում, որը կատարւեց ուսումնական տարեշրջանի ընթացքում չորրորդ, հինգերորդ և վեցերորդ դասարանների աշակերտների համար, գերազանցիկ հանդիսացան Էմիլ Մելիքեանը, Ադրիէլ Թումանեանը, Դաւիթ Նազարեան և Նարեկ Վարդանեանը 6-րդ դասարանից, Քրիս Ծատրեանը, Արմի Մայիլեանը, Էրիկ Թահմասեանը և Քևին Զէյնալին 5-րդ դասարանից, Հայբերդ Շիրւանին, Արգին Սարգսեանը և Արմի Քեշիշին 4-րդ դասարանից: 

- Արեգ Նազարեանը 2-րդ դասարանից Թեհրանի ուսումնադաստիարակչական 6-րդ շրջանի կայացած «داستان نویسی مصور» պատմութեան գիրք պատրաստելու մրցոյթում գերազանց գնահատւեց:

- Դարիօ Սաֆարլուն առաջին դասարանից, Թեհրանի ուսումնադաստիարակչական 6-րդ շրջանի «پیک نوروزی» «Նովրուզի թերթ-գրքոյկ» մրցութեան բաժնում գնահատւեց գերազանց:

Բոլոր աշակերտները որ մասնակցել են կայացած մրցոյթներին և աշխատանք են ներկայացրել, գնահատւել են դպրոցի կողմից և ստացել են արժեթղթեր, գնահատագրեր և նւէրներ:

Ընդունելութիւններ

- Հոկտեմբերի 5-ին, դպրոցի աշակերտները հանդիպում ունեցան  Թ.Հ.Թ. առաջնորդ Տ. Սեպուհ արք. Սարգսեանի հետ:

- Թեհրանի ուսումնադաստիրակչական 6-րդ շրջանի եօթ դպորոցների «جابربن حیان»-ի աշխատանքների ցուցահանդէսը կայացաւ փերտւար ամսում մեր դպրոցի յարկի տակ:

- Կազմակերպւեց գրքի ցուցահանդէս-վաճառք նոյեմբեր, փետրւար և ապրիլ ամիսներում:

- Թեհրանի ուսումնադաստիրակչական 6-րդ շրջանում առաջին անգամ լինելով կազմակերպւեց «همایش آشنایی با مشاغل»  «Աշխատանքներին ծանօթացում» մեր դպրոցում, որում մասնակցել էին Թեհրանի ուսումնադաստիարակչական 6-րդ շրջանի բոլոր աշակերտները նկարչութիւններով, գրութիւններով և ձեռքի աշխատանքներով: Նաև ծնողները մասնակցեցին  իրենց մասնագիտութիւնը ծանօթացնելու աշակերտներին: Սոյն ծրագրում ներկայ էին Հ.Բ.Ը. Միութեան վարչութեան անդամները, Թեհրանի ուսումնադաստիարակչական 6-րդ շրջանի պաշտօնեաները և ծնողները:

- Տեղի ունեցաւ ուսուցիչների մեծարման հանդէս, որին ներկայ էին Հ.Բ.Ը. Միութեան վարչութեան անդամները, Թեհրանի ուսումնադաստիարակչական 6-րդ շրջանի պաշտօնեաները և ծնողները: 

- Աշակերտական ասմունքի ներքին փառատօնին, դպրոցի նախաձեռնութեամբ, ներկայ էին ծնողները, որոնք ունկնդրեցին գեղեցիկ ասմունքները:

Այցելութիւններ

1- Ս.Սարգիս եկեղեցի Ս.Հաղորդութիւն ստանալու համար (14.10.2015)

2- Հայ գրքի ցուցահանդէս, 4,5,6-րդ դասարանների աշակերտներ (18.10.2015)

3- Ժամացոյցների թանգարան, 2-րդ դասարանի աշակերտներ (1.11.2015)

4- Բժշկագիտութեան թանգարան, 6-րդ դասարանի աշակերտներ (3.11.2015 )

5- Թեհրանի ազգային գրադարան, 4-րդ դասարանի աշակերտներ (7.11.2015)

6- Բժշկագիտութեան թանգարան, 5-րդ դասարանի աշակերտներ (14.11.2015)

7- Հրշէջների կայարան առաջին և երկրորդ դասարանների աշակերտներ (15.11.2015)

8- «  دلفین اریوم» «Դելֆին» դպրոցի աշակերտների բոլոր օղակները

9- «موزه علوم و فن آوری» 5,6-րդ դասարանների աշակերտներ (25.1.2016, 6.2.2016)

10- Ս.Սարգիս եկեղեցի Ս.Հաղորդութիւն ստանալու համար (3.2.2016)

11- «Միջազգային տիկնիկների թանգարան», առաջին և երկրորդ դասարանների աշակերտներ (20.2.2016)

12- Այցելութիւն «Գոհար» դպրոց 6-րդ դասարանի աշակերտներ (2.3.2016)

13-  « گنبد مینا»  աստղադիտարան 4,5,6-րդ դասարանների աշակերտներ (5.3.2016)

14- «ایران باستان»  թանգարան 4-րդ դասարանի աշակերտներ (17.4.2016)

15- Ս.Սարգիս եկեղեցի Մեծ եղեռնի նահատակների յիշատակի ծաղկեմատոյց և Ս. Հաղորդութիւն ստանալու համար (19.4.2016)

16- «Ալիք» օրաթերթի խմբագրութիւն, 6-րդ դասարանի աշակերտներ (10.5.2016)

Դպրոցում աշակերտների մասնակցութեամբ իրագործւել են հետևեալ ծրագրերը՝

Մշակոյթի տօն, մանուկների համաշխարային օր, Նոր Տարւայ և Ս.Ծննդեան տօներ, Բուն Բարեկենդան,Վարդանանք, Տեառնընդառաջ, Ս.Սարգիս զօրավարի տօն, Միջինք, Ս. Զատիկ, Ապրիլ 24, մայրերի տօն, աշխատաւորների մեծարման տօն և Համբարձման տօն: Կրօնական և ազգային տօների առիթով պատրաստւել են պրակներ և ունեցել ենք ձեռնարկներ: Նաև աշակերտները մասնակցել են Թ.Հ.Թ. Կրթական խորհրդի կողմից կազմակերպւած ասմունքի և նւագարանների փառատօններին, հայերէն առարկաների հարցում-քննութեան, գիտելիքների մրցութեան, 5-րդ և 6-րդ դասարանների երկսեռ արշաւներին և Հ.Ու. Չհարմահալ Միութեան ասմունքի մրցութեան:

Ուսուցումներ աշակերտների համար

1- Թափոնների տարանջատման և վերամշակման ուսուցում ( آموزش بازیافت), բոլոր աշակերտների ներկայութեամբ:

2- Բոյսերի և տերևների տարբեր տեսակները առաջին, երկրորդ և երրորդ դասարանների աշակերտների համար:

3- Պաշտպանւել բնական աղէտներից առաջին, երկրորդ և երրորդ դասարանների աշակերտների համար:

4- Կեանքի հմտութիւններ « مهارت های زندگی» չորրորդ, հինգերորդ և վեցերորդ   դասարանների աշակերտների համար:

5- Կանխում շաքարախտման դիմաց «  دیابت و پیشگیری» հինգերորդ և վեցերորդ   դասարանների աշակերտների համար:

6- Բոյսերի մշակում և պահպանում երկրորդ դասարանի աշակերտների համար:

7- Ինտեռնետային վտանգներից խուսափում « فضای مجازی امن», հինգերորդ և վեցերորդ  դասարանների աշակերտների համար:

Ուսուցումներ ծնողների համար

1- Ուսուցման խանգարումներ  « اختلالات یادگیری»   

2- Ընտանեկան հիմքերի ամրապնդում «تحکیم خانواده»

3- Ինտեռնետային վտանգներից խուսափում« فضای مجازی امن»

Արտադասարանային դասընթացներ

1- Ֆուտբոլի դասարաններ պրն. Մայիս Մինասեանի ղեկավարութեամբ:

2- Ասմունքի պարապմունքներ տկն. Լիդա Ասավիրդեանի միջոցով:

3- Երգչախբային փորձեր տկն. Յասմիկ Կարապետեան-Ամիրեանի ղեկավարութեամբ:

Տարեվերջի հանդէսներ

Մայիս 19-ին  տեղի ունեցաւ առաջին դասարանի աշակերտների   պարսկերէն տառաճանաչման հանդէսը՝ «جشن الفبا»

Յունիս 17-ին տեղի ունեցաւ վեցերորդ դասարանի աւարտական հանդէսը և վկայականների բաշխումը:

Շնորհակալ ենք Հ. Բ. Ը. միութեան վարչութեանը, Թ. Հ. Թ. Կրթական խորհրդին, Ծնողական խորհրդին եւ աշակերտների ծնողներին, ովքեր սիրայօժար հովանաւորել եւ համագործակցել են դպրոցում կազմակերպւող աշխատանքներին:

Այս   աշխատանքների իրագործման համար բոլորը միասին՝ ուսուցիչ, ծնող եւ աշակերտ, կողք-կողքի, նւիրւածութեամբ աշխատում են դպրոցի վերելքի եւ աշխատանքների բարելաւման համար՝ տարածելով սէր, ընկերութիւն եւ միասնականութիւն:

Ն. Գիւլբենգեան դպրոցի փոխտեսչուհի

{gallery}201607/2016071201{/gallery}