Ամենայն հայոց բանաստեղծ՝ Յովհաննէս Թումանեանի ծննդեան օրը՝ փետրւարի 19–ը, 2008 թւականից ի վեր, ՀՀ Գրողների միութեան եւ ՀՀ Կառավարութեան որոշմամբ Հայաստանի Հանրապետութիւնում հռչակւել է գիրք նւիրելու օր:
երականգնւել է մի շատ գեղեցիկ եւ կարեւոր սովորոյթ: Այս Տօնը բազմախորհուրդ է. այն յիշեցնում է մեզ, որ պէտք է ճանաչենք գրքի արժէքը, եւ եթէ ոչ յահաճախ, գոնէ տարւայ մէջ մէկ անգամ միմեանց գիրք նւիրենք:
Ընդհանրապէս, տօնի նպատակն է ընթերցանութեան եւ գրքի նկատմամբ սէրը փոխանցել նոր սերունդներին, նրանց հաղորդակից դարձնել գրականութեանն ու հոգեւոր-մշակութային արժէքներին։
Թեհրանի հայկական բոլոր դպրոցներն էլ անմասն չմնացին Գիրք նւիրելու օրւան, Յովհաննէս Թումանեանի ծննդեանը նւիրւած միջոցառումներից: Եւ քանի որ տարի Թումանեանական է հետեւաբար ամբողջ տարւայ ընթացքում իրականացւելու են տարբեր ձեռնարկներ եւ ծրագրեր:
Գիրք նւիրելու օրւայ խորհրդին համահունչ իրականացւեցին տարբեր աշխատանքներ՝ նկարչութիւններ, հեքիաթասացութիւններ, բեմականացումներ, այցելութիւններ գրադարաններ, Թումանեանի պատկերով կրծքանշանների կրում, ընթերցասէր աշակերտների կողմից հնչեցին գրքին եւ գիտելիքին նւիրւած բանաստեղծութիւններ եւ թումանեանական տողեր՝ բազմիցս ընդգծելով օրւայ խորհուրդը: Նրան միմեանց գրեր նւրեցին համոզւած լինելով, որ գիրքն է ամենալաւ նւէրը: Գիրք նւիրելու գեղեցիկ աւանդոյթը տարեցտարի աւելի է ամրապնդւում մեր դպրոցներում:
Թ. Հ. Թ. ԿՐԹԱԿԱՆ ԽՈՐՀՈՒՐԴ
http://www.tehranprelacy.com/news-am/9-content-hy/news-hy/4080-2023050203?tmpl=component&print=1#sigProId7d5998e849