Ապրիլի 24-ի երեկոյեան բազմամարդ էր «Արարատ» մարզաւանի «Սասունցի Դաւիթ» մարզադահլիճը, որտեղ ըստ ընկալեալ սովորութեան ՀՈՒՍԿ-ի նախաձեռնութեամբ կազմակերպւել էր կենտրոնական ձեռնարկ՝ բանախօսական երեկոյ, մէկտեղւած գեղարւեստական կատարումներով:
Տէրունական աղօթքով, Իրանի եւ Հայաստանի ու Արցախի պետական հիմներով մեկնարկած միջոցառման սկզբում Թեհրանի Հայ Դատի յանձնախմբի խօսքը ընթերցեց օրւայ հաղորդավար Սարինէ Թորոսեանը:
Օրւայ բանախօսութեամբ հանդէս եկաւ ՀՀ Ազգային ժողովի «Հայաստան» խմբակցութեան պատգամաւոր Ասպրամ Կրպէյեանը: Միջոցառմանը հրաւիրւեցին արտայայտւելու Իրանում ՀՀ արտակարգ եւ լիազօր դեսպան Արսէն Աւագեանը եւ Թեհրանի հայոց թեմի առաջնորդ Տ. Սեպուհ արք. Սարգսեանը:
Գեղարւեստական յայտագիրը յագեցած էր երգերի ներկայացմամբ, ասմունքային եւ պարային կատարումներով:
ՀՈՒՍԿ-ի նախաձեռնութեամբ՝ «Վ. Ղարաբէգեան» սրահում կազմակերպւել էր հայ աշակերտների նկարչութիւնների եւ ձեռքի աշխատանքների ցուցահանդէս:
Լուրը՝ «Ալիք»-ից
Լուսանկարները՝ ՀԱՏԻՍԻ
http://www.tehranprelacy.com/news-am/9-content-hy/news-hy/4070-2023042505?tmpl=component&print=1#sigProIdf4a3ab4cbc