ՍՐԲԱԶԱՆ ՀՕՐ ԱՅՑԵԼՈՒՆԵՐԸ՝ ՎԵՐՋԻՆ ԵՐԿՈՒ ՇԱԲԱԹՆԵՐԻ ԸՆԹԱՑՔՈՒՄ

Հինգշաբթի, 13 ապրիլ 2023 թւականին, թեմիս Առաջնորդ Գերշ. Տ. Սեպուհ Ս. Արք. Սարգսեանը, իր գրասենեակում ընդունեց Հայոց Ցեղասպանութեան 108-րդ տարելիցը ոգեկոչող յանձնախմբի ներկայացուցիչներին ընկերակցութեամբ Թեմական Խորհրդի կապ՝ պրն. Հայրիկ Աղանեանի։

Յանձնախմբի ատենապետ Ալէքս Կարապետեանը ամփոփ զեկոյց ներկայացրեց կատարւած աշխատանքների նաեւ նախատեսած ծրագրերի մասին:

Սրբազան Հայրը ողջունեց եւ յորդորեց անհրաժեշտ խորհուրդներն ու ցուցումները եւ յաջողութիւն մաղթեց յանձնախմբի աշխատանքներին:

Երեքշաբթի, 18 ապրիլ 2023 թւականին, Թեմիս Առաջնորդ Գերշ. Տ. Սեպուհ Ս. Արք. Սարգսեանը, իր գրասենեակում ընդունեց Մեծի Տանն Կիլիկիոյ Կաթողիկոսութեան Ազգային Կենտրոնական Վարչութեան Քաղաքական Ժողովի անդամ՝ պրն. Յովսէփ Աւետեանին, ով եկել էր Քրիստոսի Ս. Յարութեան տօնի առիթով, իր շնորհաւորանքները եւ բարեմաղթանքները փոխանցելու Սրբազանին:

Սրբազան Հայրը ջերմօրէն ողջունեց եւ գնահատեց պրն. Աւետեանի այցը եւ փոխադարձ շնորհաւորանքները փոխանցեց պրն. Աւետեանին եւ իր ընտանիքին:

Հանդիպումն առիթ եղաւ խօսելու Կաթողիկոսարան-թեմ յարաբերութիւնների մասին, շեշտելով այս պարագային համագործակցութիւնը՝ թեմական, իշխանութեան, Կիլիկիոյ կաթողիկոսութեան եւ Ազգային վարչութեան ժողովականութեան հետ:

Երեքշաբթի, 18 ապրիլ 2023 թւականին, թեմիս Առաջնորդ Գերշ. Տ. Սեպուհ Ս. Արք. Սարգսեանը, իր գրասենեակում ընդունեց «Ալիք» հաստատութեան ներկայացուցիչներին, ովքեր եկել էին «Ալիք» օրաթերթի նոր գլխաւոր խմբագիր՝ պրն. Արամ Շահնազարեանին ներկայացնելու եւ խնդրելու Սրբազան Հօր օրհնութիւնը գործի յաջողութեան համար:

Սրբազան Հայրը ջերմօրէն շնորհաւորեց եւ օրհնաբեր ծառայութիւն եւ յաջողութիւն մաղթեց պրն. Արամ Շահնազարեանին:

Հանդիպման ընթացքում խօսւեց «Ալիք» օրաթերթի բովանդակութիւնը առաւել եւս համահայկական դարձնելու եւ գաղութահայ կեանքում տեղի ունեցած գլխաւոր իրադարձութիւններին անդրադառնալու կարեւորութեան մասին: Ընդգծւեց նաեւ «Ալիք»-ի էջերում ազգային-եկեղեցական նշանաւոր գործիչների ամեակներին անդրադառնալու կարեւորութիւնը:

Նոյն օրը, Սրբազան Հայրը, իր գրասենեակում ընդունեց «Կակաչ» պարային համոյթի գեղարւեստական ղեկավար տկն. Արուս Սարգսեանին եւ համոյթի պարուսոյց-փորձավար Արմինէ Աւագեանին, ովքեր եկել էին հայցելու Սրբազան Հօր հովանաւորութիւնը պարախմբի մայիս ամսին կայանալիք ելոյթի համար:

Սրբազան Հայրը մեծապէս գնահատեց եւ նորանոր յաջողութիւններ մաղթեց նրանց աշխատանքներին:

Չորեքշաբթի, 19 ապրիլ 2023 թւականին, թեմիս Առաջնորդ Գերշ. Տ. Սեպուհ Ս. Արք. Սարգսեանը, իր գրասենեակում ընդունեց տկն. Արմինէ Սէթխանեանին, ով եկել էր Քրիստոսի Ս. Յարութեան տօնի առիթով, իր շնորհաւորանքները եւ բարեմաղթանքները փոխանցելու Սրբազանին:

Սրբազան Հայրը ջերմօրէն ողջունեց եւ գնահատեց տկն. Սէթխանեանի այցը եւ փոխադարձ շնորհաւորանքները փոխանցեց իրեն եւ իր ընտանիքին: Նկատի ունենալով, որ վերջինս ատենապետուհին է «Ա.Աւետիսեան» բուժարանի Խնամակալ մարմնի, որոշ բացատրութիւններ տւեց Սրբազան Հօր իրենց աշխատանքների եւ փոխանցեց որոշ մտածումներ ապագայ ծրագրերի մասին: Սոյն հանդիպմանը ներկայ էր նաեւ Բուժարանի Խնամակալ մարմնի անդամ՝ բարեշնորհ սարկաւագուհի Անի Քրիստի Մանւէլեանը:

Սրբազան Հայրը մեծապէս գնահատեց իր եւ Խնամակալ մարմնի աշխատանքները եւ յաջողութիւն մաղթեց:

Չորեքշաբթի, 19 ապրիլ 2023 թւականին, թեմիս Առաջնորդ Գերշ. Տ. Սեպուհ Ս. Արք. Սարգսեանը, իր գրասենեակում ընդունեց նաեւ «Արամ» սուրճի տնօրէն՝ Էդւին Միրզայեանին, ով եկել էր Քրիստոսի Ս. Յարութեան տօնի առիթով, իր շնորհաւորանքները եւ բարեմաղթանքները փոխանցելու Սրբազանին:

Սրբազան Հայրը ջերմօրէն ողջունեց եւ գնահատեց պրն. Միրզայեանի այցն ու փոխադարձ շնորհաւորանքները փոխանցեց իրեն եւ յաջողութիւն մաղթեց իր աշխատանքներին:

Ազգային Առաջնորդարանի Հանրային կապ