Հինգշաբթի, ապրիլի 7-ին, Մայրերի Օրւայ առիթով, Ս. Սարգիս եկեղեցու Եկեղեցական Խորհուրդի անդամներն այցելեցին Թեհրանի հայոց հանգստեան տները՝ Ս. Գէորգ, Սօսէ Մայրիկ և Չիլոյեան:

Խորհրդին ընկերակցում էր նաև Արժ. Տ. Վրթանէս քհն. Բաբախանեանը:

Հանգստեան տների դահլիճներում կազմակերպւել էին ընդունելութիւններ: Ծրագրերը մեկնարկւեցին Տէրունական աղօթքով, ապա եկեղեցու խորհրդի ատենապետ՝ պրն. Արարատ Քէշիշեանը, խորհրդի անունից շնորհաւորեց մայրերի օրը:

Պարով ու երգերով աւելի ջերմացւեցին ծերանոցների մթնոլորտները։

Նոյն առիթով, երկուշաբթի ապրիլի 11-ին, սոյն եկեղեցու եկեղեցական խորհուրդը կազմակերպել էր հիւրընկալութիւն, եկեղեցական դպրաց դասի, Հայ Եկեղեցասէր Կանանց Միութեան անդամների և խորհրդին օժանդակող յանձնախմբի անդամների մասնակցութեամբ:

{gallery}201604/2016041303{/gallery}