Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ՆՈՐ ՈՒՍՈՒՄՆԱԿԱՆ ՏԱՐԻՆ՝ ՆՈՐ ՏԵՄՊԵՐՈՎ

Աւարտին է հասնում ընթացիկ ուսումնական տարին եւ մի քանի ամսից կը տրւի նոր ուսումնական տարւայ մեկնարկը, ազգային ուսումնական հաստատութիւններն իրենց աշխատանքները կը սկսեն նոր ու առանձնայատուկ տեմպերով: Առկայ մարտահրաւէրների եւ դրանց յաղթահարման ու հետագայ անելիքների մասին են քննարկել ազգային իշխանութեան եւ կրթական համակարգի պատասխանատուները:

Չորեքշաբթի, թւականիս յունիսի 1-ին, Թեմական խորհրդի ատենապետ ճրտպ. Նորայր Արամեանն ու Կրթական խորհրդի ատենապետ Ալֆրէդ Կարապետեանը, Կրթական խորհրդի նախաձեռնութեամբ եւ համադրութեամբ հանդիպում ունեցան հայոց ազգային «Արաքս» դպրոցի տեսչուհի՝ Անի Մանուկեանի հետ:

Հանդիպման ընթացքում տեսչուհու կողմից ներկայացւեց ընթացիկ ուսումնական տարեշրջանում դպրոցում իրականացւած աշխատանքները եւ քննարկւեց նոր ուսումնական տարեշրջանում իրականացւելիք նոր ծրագրերը:

- Յատկանշական է, որ առաջիկայ ուս. տարեշրջանում, դպրոց է հրաւիրւելու եւ առաջին դասարանում դասաւանդելու է բարձր որակաւորում եւ հարուստ մանկավարժական անցեալ ունեցող, փորձառու՝ մասնագէտ-ուսուցիչ:
- Ի ուրախութիւն մեր համայնքի յայտնում ենք նաեւ, որ «Արաքս» դպրոցում առկայ արտադասարանական` երգի, նկարչութեան եւ ICDL -ի (International Computer Driving Licence) կողքին առաջին անգամ իրականացւելու է անգլերէն լեզւի ուսուցում:
- Հանդիպման ընթացքում քննարկւեց նաեւ աշակերտների երթեւեկութիւնը հեշտացնելու ուղղութեամբ ձեռնարկել անհրաժեշտ միջոցներ:

Այսպիսով եկող նոր ուսումնական տարեշրջանը «Արաքս» դպրոցը կը սկսի նոր տեմպերով՝ աւելի արդիւնաւէտ դպրոցական ձեռնարկների մշակմամբ:

ԿՐԹԱԿԱՆ ԽՈՐՀՈՒՐԴ

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ