Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ՍՐԲԱԶԱՆ ՀԱՅՐԸ ՀԱՆԴԻՊԵՑ ԻՍԼԱՄԱԿԱՆ ՈՒՍՈՒՄՆԱՍԻՐՈՒԹԻՒՆՆԵՐԻ ՄԻՋԱԶԳԱՅԻՆ ԻՆՍՏԻՏՈՒՏԻ ՏՆՕՐԷՆԻ ԵՒ ՂՈՄԻ ՃԵՄԱՐԱՆՆԵՐԻ ՄԻՋԱԶԳԱՅԻՆ ՅԱՐԱԲԵՐՈՒԹԵԱՆ ԵՒ ԿՐՕՆՆԵՐԻ ԳՐԱՍԵՆԵԱԿԻ ՊԱՏԱՍԽԱՆԱՏՈՒՆԵՐԻ ՀԵՏ

Երեքշաբթի, թւականիս յունւարի 4-ին, Իսլամական ուսումնասիրութիւնների միջազգային ինստիտուտի տնօրէն՝ Հոջաթ. Դկտր. Մոհամմադ Ալի Շոմալին եւ Ղոմի ճեմարանների միջազգային յարաբերութեան եւ կրօնների գրասենեակի տնօրէն Մոհամմադ Սադեղ Ամին Դինը Ամանորեան եւ Սուրբ ծննդեան տօների առիթով եւ Ղոմի իսլամական ճեմարանների տնօրէն Այաթօլլահ Էրաֆիի շնորհաւորական ուղերձը փոխանցելու նպատակով, այցելեցին Թեմիս բարեխնամ Առաջնորդ Գերշ. Տ. Սեպուհ Ս. Արք. Սարգսեանին:

Հանդիպման ընթացքին ներկաները ակնարկեցին երկու կենտրոնների միջեւ տեղի ունեցած համագործակցութիւնների պատմականին, ապա տեղի ունեցաւ խորհրդակցութիւն յարաբերութիւնների ընդլայման վերաբերեալ:

Միեւնոյն ժամանակ, նոյն կազմակերպութեան միջազգային ոլորտում աշխատող իսլամ հոգեւորականները այցելեցին Սուրբ Սարգիս Մայր եկեղեցի, ուր Ազգ. Առաջնորդարանի հանրային կապի հոգեւոր խորհրդատու Արժ. Տ. Գրիգորիս Քահանայ Ներսէսեանը ողջունելով հիւրերին բացատրութիւններ տւեց եկեղեցու ճարտարապետութեան խորհրդաբանութեան, եօթ խորհուրդների, հայ եկեղեցու բնոյթի եւ պաշտամունքի ու ծիսական կեանքի մասին եւ ապա անդադարձաւ Հայոց Առաքելական Ուղղափառ Սուրբ եկեղեցու Աստւածաբանութեանը:

Ապա Առաջնորդ Սրբազան Հայրը յարգարժան հիւրերի ընկերակցութեամբ միացան եկեղեցում ներկայ հիւրերին: Սրբազան Հայրը ողջունելով նրանց, իր խօսքերում անդադարձաւ քրիստոնէութեան եւ իսլամութեան մէջ աղօթքի տեսակներին ու նմանութիւններին, ապա կարեւորելով բարեխօսական աղօթքը, երկու կրօնների հաւատացեալներին յորդորեց աղօթել միմեանց համար: Հոջաթ. Շոմալին եւս իր հերթին ասաց, որ քրիստոնեաները ըստ իսլամական համոզմունքների, մուսուլմանների բարեկամներ եւ դաշնակիցներն են համարւում եւ դրա կենդանի փաստը Իրանի պատմութեան ընթացքում Իսլամ Քրիստոնեայ համայնքների սերտ յարաբերութիւնն է։

Ազգային Առաջնորդարանի Հանրային կապ

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ