Ասիայի Եկեղեցիների Խորհրդի կազմակերպութեամբ նոյեմբեր 1-30, 2020-ին տեղի ունեցաւ Խորհրդի միջ-եկեղեցական յարաբերութիւնների միաւորի նախաձեռնութեամբ առցանց դասընթացներ։

Սոյն դասընթացներին մասնակցեցին 38 երիտասարդ-ուհիներ Ասիայի տարբեր երկրներից. Իրանից Թեհրանի հայոց թեմի առաջնորդ Սեպուհ Արք. Սարգսեանի կարգադրութեամբ Թեհրանից մասնակցեց բրշ. Անի Քրիստի սարկաւագուհի Մանւէլեանը։

Յայտնենք, որ նշւած դասախօսութիւնները ներկայացւեցին մասնագէտ դասախօսների միջոցով, որոնք շօշափում էին հետեւեալ գլխաւոր թեմաները՝ «Միջ-եկեղեցական շարժումներ, կրօնական տարակարծութիւններ եւ միջ-կրօնական երկխօսութիւն»,
«Քրիստոսի վկայութիւնը բազմակրօն Ասիայում. Մարտահրաւէրներ Ասիական եկեղեցիներում»,
«Եկեղեցին Կովիդ 19-ի համաճարակի համատեքստում»,
«Էկո-Աստւածաբանութիւն եւ բնապահպանական արդարադատութիւն»,
«Կանանց մասնակցութիւնը Աստծու ստեղծագործութեան վերահաստատման գործում»,
«Մարդու իրաւունքների մարտահրաւէրները Ասիայում»։

ԹՂԹԱԿԻՑ