Վերջին երկու ամիսների ընթացքում համաճարակային իրավիճակի բերումով, եկեղեցիներում առողջապահական պրոտակոլները յարգելու նախապայմանով, նւազագոյն թւով՝ (10-ից 20 հոգու) մասնակցութեամբ վերսկսւեցին՝ կրօնական Ս. պատարագի, պսակադրութեան եւ մկրտութեան արարողութիւնները։

Դժբախտաբար վերջին օրերին Ս. Սարգիս եկեղեցում կատարւած Ս. պսակի արարողութեան ընթացքում, կարգադրութիւնը խախտւեց եւ աւելի քան 270 հոգու ներկայութեամբ կատարւեց նորապսակ զոյգի պսակադրութեան խորհուրդը, որի պատճառով էլ ենթակաները ենթարկւեցին խիստ նկատողութեան։

Արդ կրկին կոչ ենք ուղղում մեր հայրենակիցներին, որ համավարակի կանխարգելման հրամայականից ելնելով, անհրաժեշտ է առաւել քան երբեւէ կառչած մնալ թելադրւած առողջապահական յորդորներին եւ դիմակ կրելով եւ ընկերային հեռաւորութիւնը յարգելով՝ նւազագոյն թւով ներկայ լինել կրօնական արարողութիւններին՝ հակառակ դէպքում ենթակաները կրելու են համապատախան հետեւանքները։

ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ ԹԵՀՐԱՆԻ ՀԱՅՈՑ ԹԵՄԻ
25.08.2020