Սոյն թւականի ապրիլ 5-ին թեմիս բարեխնամ առաջնորդ Գերշ. Տ. Սեպուհ Ս. Արք. Սարգսեանի բարձր հովանաւորութեամբ եւ Քրիստոնէական Դաստիարակութեան յանձնախմբի նախաձեռնութեամբ տեղի ունեցաւ երիտասարդական հանդիպում Ս. Գրիգոր Լուսաւորիչ եկեղեցում։
Ներկաների միասնական Տէրունական աղօթքով եւ Սաղմոսներ ընթերցելուց յետոյ, Սրբազան հայրը առաւել քան 200 երիտասարդ-ուհիներին ուղղելով իր հայրական պատգամը, իր անհուն ուրախութիւնը եւ գոհունակութիւնը յայտնեց նրանց խուռներամ մասնակցութեան առիթով։
Սրբազան հայրը մէջբերելով Դաւիթ Սաղմոսերգու թագաւորի խօսքը թէ՝ «Ինչ գեղեցիկ է երբ եղբայրները մի տեղ են հաւաքւում» այս հաւաքը սեպեց, որպէս հաւատքի զօրացման ազդակ։ Ապա երիտասարդ-ուհիներին յորդորեց որպէս ազգային եւ հոգեւոր արժէքների ժառանգորդներ, իրենց մասնակցութեամբ տէր կանգնեն այդ բոլորին։ Սրբազան հայրը իր խօսքում բացատրեց եկեղեցի հասկացողութիւնը եւ ապա ակնարկեց աղօթքի եւ հաւատքի կարեւորութեան մասին։
Քարոզի աւարտին Սրբազան հայրը հրաւիրեց Արգին Տէր Մկրտչեանին զեկուցելու ֆրանսիոյ Թեզէի կաթոլիկ եկեղեցու միաբանութեան կազմակերպած Լիբանանում կայացած երիտասարդական աղօթաժողովի մասին։ Վերջինս ներկաներին զեկուցեց իր տպաւորութիւնների մասին եւ տարեկից իր եղբայրներին քաջալերեց ճաշակել հոգեւոր՝ աղօթական կեանքը։
Հանդիպման աւարտին տեղի ունեցաւ համեստ ընդունելութիւն։
Քրիստոնէական Դաստիարակութեան Յանձնախումբ
http://www.tehranprelacy.com/news-am/9-content-hy/news-hy/2363-2019040803?tmpl=component&print=1#sigProId298da19a43