Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Հանրապետական մաղթանք, դրօշի օրհնութիւն և հոգեհանգստեան արարողութիւն, Հայաստանի Առաջին Հանրապետութեան 100-ամեակի առիթով

Հայաստանի Առաջին Հանրապետութեան հարիւրամեակի առիթով, թւականիս՝ ուրբաթ, յունիսի 1-ի առաւօտեան, Թեհրանի հայոց թեմի բոլոր եկեղեցիներում Ս. և անմահ պատարագի ընթացքում, տեղի ունեցաւ Հանրապետական մաղթանք, դրօշի օրհնութիւն եւ յաւարտ ս. պատարագի հոգեհանգստեան արարողութիւն:

Ս. Սարգիս առաջնորդանիստ մայր եկեղեցում կրօնական արարողութիւնը նախագահեց Թ. Հ. Թեմի առաջնորդ Տ. Սեպուհ արք. Սարգսեանը: Եկեղեցում Հ. Բ. Ը. միութեան պատւի կանգնած սկաուտների շարքերից, Հ.Հ. Եռագոյն դրօշը եկեղեցի բերւեց Հ.Հ. դեսպանութեան մշակութային կցորդ՝ Սահակ Եղիազարեանի ձեռամբ և Հանրապետական մաղթանքի ընթացքում օրհնւեց թեմակալ առաջնորդի միջոցով և երգչախումբը հնչեցրեց «Մեր Հայրենիք» օրհներգը:

Թեմակալ առաջնորդը իր քարոզի ընթացքին ընդգծեց, որ սրանից 100 տարի առաջ հրի ու սրի մատնւած Արարատեան դաշտում հայ ժողովուրդը, Սարդարապատում, Ղարաքիլիսայում ու Բաշ Ապարանում կենաց ու մահու պայքարով և իր հաւատքով նոր կեանքի հեռանկար բացեց և այսօր Արարատեան դաշտը յոյսի կենտրոն է: Թեմակալ առաջնորդը անդրադառնալով Հայաստանի վերջին իրադարձութիւններին, նշեց. «Այսօր մենք որպէս ազգ, ուր որ կանք, որևէ մէկ ժամանակահատւածից առաւել հպարտանալու առիթ ունենք: Մենք Հայաստանում արար աշխարհին ապացուցեցինք, որ կարելի է իշխանափոխութիւն եւ հոգեփոխութիւն յառաջ բերել, առանց բռնութեան և արիւնի, ի պատիւ մեր ժողովրդին ու ղեկավարութեանը»:

Սրբազան Հայրն անդրադառնալով Հայաստանի Առաջին Հանրապետութեան հիմնադրման 100-ամեակին, նշեց. «100-ամեակի այս տարւայ ընթացքում մեզանից իւրաքանչիւրի նւիրական պարտականութիւնն է ճանաչել մեր պատմութիւնը և յատկապէս վերջին 200 տարւայ պատմութիւնը և այն ժամանակ կը համոզւենք, որ Եռագոյնը իսկապէս արիւնի եւ սարսափի միջից յառած դրօշ է»:

Ս. պատարագի աւարտին, թեմակալ առաջնորդ նախագահութեամբ կատարւեց հոգեհանգստեան յատուկ արարողութիւն՝ Ղարաքիլիսայի, Բաշ Ապարանի, Սարդարապատի և միւս վայրերում տեղի ունեցած ճակատամարտերում զոհւած հայ նահատակների հոգու խաղաղութեան համար:

Կրօնական արարողութեանը ներկայ էին՝ Իրանում ՀՀ արտակարգ եւ լիազօր դեսպան՝ Արտաշէս Թումանեանը և դեսպանութեան դիւանագիտական ներկայացուցիչները, Իսլ. Խորհրդարանում Թեհրանի և հիւսիսային իրանահայութեան պատգամաւոր՝ դոկտ. Կարէն Խանլարեանը, Թ. Հ. Թ. Պատգամաւորական ժողովի, Թեմական խորհրդի, «Ալիք» հաստատութեան ներկայացուցիչները, «Ալիք» օրաթերթի գլխաւոր խմբագիրը, ազգային մարմինների ու միութիւնների ներկայացուցիչներ և մեծ թւով ժողովուրդ:

Վերջում Սրբազան Հայրը օրհնւած դրօշը յանձնեց դեսպանին:

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ