Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Պասի Ճաշատեսակների Փառատօն՝ Թունեան դպրոցում

Թւականիս, չորեքշաբթի մարտի 7-ին, «Միջինքի»-ի առիթով, Հայոց Ազգային Թունեան տարրական դպրոցում կազմակերպւեց «Պասի ճաշատեսակների փառատօն»:

Սա երկրորդ տարին է, որ Թունեան դպրոցում կազմակերպւում է նման փառատօն: Փառատօնի նպատակն է ծանօթացնել ծնողներին և աշակերտուհիներին «Մեծ Պահք»-ի ընթացքում ընդունւած ճաշատեսակների և ուտեստների հետ, պահել-պահպանել մեր աւանդութիւնները և սովորութիւններն ու փոխանցել նոր սերնդին: Նաև սովորել մեր մեծերից և տատիկ-պապիկներից, ովքեր ամեավառ և խօսուն օրինակներն են մեր աւանդութիւնների ու սովորութիւնների:

Ծրագրին հրաւիրւած էին Թեմիս Առաջնորդ՝ Գերշ. Տ. Սեպուհ Ս. Արք. Սարգսեանը, առաջնորդական փոխանորդ՝ Գերշ. Տ. Մակար Ս. Եպս. Աշգարեանը, Արժ. Տ. Կոմիտաս քհն. Ղարախանեանը, Սրբոց Թարգմանչաց եկեղեցու քահանայից դասը և եկեղեցական խորհուրդը, Սասուն քաղքամասի պատգամաւորները, կրթական խորհրդի անդամները, Սասուն քաղաքամասի բոլոր միութիւնների ու դպրոցների ներկայացուցիչները նաև դպրոցի ծնողները:

Ծրագիրն սկսւեց ժամը 10:30-ին դպրոցի բակում, Սրբազան Հօր և հիւրերի ներկայութեամբ: Նախ աշակերտուհիները ներկայացան աղօթքներով, սաղմոսներով և Ս. Գրքից մի քանի դրւագներով, շարականներով ու երգերով: Ապա Սրբազան Հայրն աշակերտուհիներին բացատրեց Մեծ Պահքի և Միջինքի մասին ու տւեց իր հայրական խրատները:

Փառատօնը կազմակերպւել էր դպրոցի սրահում, տարբեր կրպակների տեսքով, որոնք զարդարւած էին հայկական գորգերով, ձեռագործերով, նկարներով և իրերով: Ճաշատեսակները պատրաստւած էին թէ Իրանի տարբեր հայաբնակ գաւառների և թէ Հայաստանեան տարբեր ձևերով:

Օրւայ առիթով նաև պատրաստւել էր միջինքի մեծ գաթա, որը Սրբազան Հօր ձեռամբ օրհնւեց ու կտրւեց:

Փառատօնի բոլոր ճաշատեսակները և կրպակները պատրաստւել էին դպրոցի ծնողական խորհրդի և մի խումբ ծնողների ձեռամբ:

Ծրագրի աւարտին հիւրերը հիւրասիրւեցին պասի ճաշատեսակներով:

Հայոց Ազգային Թունեան Տարր. Դպրոց

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ