Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



42-րդ շրջանի Համադպրոցական խաղերը նւիրւած՝ Հայաստանի Հանրապետութեան 100-ամեակին

Մեծ թւով հայրենակիցների եւ աշակերտ-աշակերտուհիների մասնակցութեամբ երէկ, յունւարի 24-ի երեկոյեան, «Արարատ» մարզաւանի «Սասունցի Դաւիթ» սրահում մեկնարկեց 42-րդ շրջանի Համադպրոցական խաղերը, որը այս տարի նւիրւել է Հայաստանի Հանրապետութեան 100-ամեակին:

Հ. Մ. «Արարատ» կազմակերպութեան Մարզական միութեան նախաձեռնութեամբ իւրաքանչիւր տարի կազմակերպւող մարզախաղերի այս շրջանին մասնակցել են շուրջ 700 աշակերտ-աշակերտուհիներ, որոնք մրցակցելու են զանազան մարզաձեւերում: Տէրունական աղօթքով եւ Իրանի պետական ու կազմակերպութեան հիմներով մեկնարկած խաղերի բացման հանդիսութեանը «Արարատ»-ի սկաուտները ծածանեցին Իրանի եւ կազմակերպութեան դրօշները: Բացման շքեղ հանդիսութիւնը զուգորդւած էր ելոյթներով, գեղարւեստական կատարումներով, մարզական ցոյցերով, մասնակից աշակերտ-աշակերտուհիների շքերթով եւ խաղերը խորհրդանշող ջահի բոցավառմամբ:

Գեղարւեստական կատարումներով հանդէս եկան «Զարթօնք» պարախմբի սաները, ղեկավարութեամբ Լոռետա Աւետիսեանի, «Արարատ» պարախմբի սաները՝ ղեկավարութեամբ Անահիտ Աւետեանի եւ «Մարիամ» հաստատութեան երգչախումբը՝ Գիտա Փիազաքի ղեկավարութեամբ: Իսկ մարզական ցոյցերը իրականացրին «Գիւլբենգեան» դպրոցի պատանի եւ երիտասարդ տեկւանդոյի մարզիկները եւ Հ.Մ.Ա.Կ.-ի Մարզական միութեան ժայռամագլցողները:

Օրւայ խօսքը փոխանցեց Հ. Մ. «Արարատ» կազմակերպութեան Մարզական միութեան վարչութեան նախագահ Հարմիկ Շահնազարեանը, կարեւորելով յիշեալ խաղերը դաստիարակչական դիտանկիւնից: Մարզիկ-մարզուհիների սրահում մուտքից յետոյ խաղերը խորհրդանշող ջահը դահլիճ բերեցին Փիւնիկ Առաքելեանը եւ Արգին Քարիմեանը, ապա Թեհրանի հայոց թեմի առաջնորդ Տ. Սեպուհ արք. Սարգսեանի ձեռամբ օրհնւեց ջահը եւ հրավառութեամբ այն բոցավառւեց: Իրաւարարների եւ մասնակից մարզիկների երդումները ընթերցեցին Արբի Գալստեանը եւ Մինէ Մարտիրոսեանը:

Ընթացքում ներկաներին ողջոյնի խօսք ուղղեցին Հ. Մ. «Արարատ» կազմակերպութեան վարչութեան նախագահ Գէորգ Վարդանեանը, Իրանում Հայաստանի Հանրապետութեան արտակարգ եւ լիազօր դեսպան Արտաշէս Թումանեանը եւ աւարտին իր օրհնութեան խօսքը փոխանեց Թ. Հ. թեմի առաջնորդ Տ. Սեպուհ արք. Սարգսեանը:

Լուրը քաղւած  «Ալիք»-ից

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ