Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Թեհրանի Կարգապահական Ուժերի Հրամանատարն այցելեց Ազգային Առաջնորդարան

Կիրակի յունւարի 14-ի առաւօտեան, Նոր տարւայ եւ Ս. Ծննդեան տօների առիթով Թեհարնի Կարգապահական Ուժերի Հրամանատար՝ Գեներալ Հոսէյն Ռահիմին եւ նրա գլխաւորած պատւիրակութիւնը, այցելեցին Ազգային Առաջնորդարան:

Պատւիրակութիւնը հանդիպեց Թեհրանի Հայոց Թեմի Առաջնորդ գերշ. Տ. Սեպուհ Ս. արք. Սարգսեանի հետ:

Այցին ներկայ էին, նաեւ Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը, Թ.Հ.Թ. Պատգամաւորական ժողովի եւ Թեմական խորհրդի ատենապետները եւ ներկայացուցիչները:

Հանդիպմանը Սրբազան հայրը ողջունելով հիւրերին յայտնեց՝ «Ոստիկանութեան հետ մեր կապերը չափազանց սերտ են ու լաւ համագործակցութիւն գոյութիւն ունի եւ նման տօները միմեանց հանդիպելու եւ զրուցելու առիթ են ստեղծում»:

Թեմակալ աառջնորդն անդրադառնալով Ս. Ծննդեան տօների ընթացքում ոստիկանութեան ցուցաբերած օժանդակութեանե, ընդգծեց. «Մենք շնորհակալութիւն ենք յայտնում մեր ոստիկանութեանը՝ Ս.Ծննդեան տօների ընթացքում իրեն յատուկ օպերատիւ աշխատանքի եւ մարդասիրական վերաբերմունքի համար»: 

Սրբազան հայրը յատուկ ընդգծեց, որ Ոստիկանութիւնը կանգնելով հայ համայնքի թիկունքին, մէկ անգամ եւս ապացուցեց, որ Իրանի ու նրա բոլոր քաղաքացիների պաշտպանն է: 

Դոկտ. Կարէն Խանլարեանն էլ,  ողջունելով ներկաներին նշեց. «Ոստիկանական մարմիններն այս տարի եւս հետեւողական աշխատանք են իրականացրել, Ս. Ծննդեան տօներին, ինչի համար հայ համայնքը երախտապարտ է»:

Մայրաքաղաքի ոստիկանապետն էլ շնորհակալութիւն յայտնելով հիւրընկալութեան համար, հաւաստիացրեց. «Հայ քաղաքացիների միջոցառումներին աջակցութիւնը, ե՛ւ նմանատիպ հանդիպումները կրելու են շարունակական բնոյթ»: 

Վերջում կողմերը փոխանակեցին յուշանւէրներ:

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ