Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ԱՌԱՋՆՈՐԴ ՍՐԲԱԶԱՆ ՀԱՅՐԸ ՀԱՆԴԻՊՈՒՄ Է ՍԱՍՈՒՆ ՔԱՂԱՔԱՄԱՍԻ ՍՐԲՈՑ ԹԱՐԳՄԱՆՉԱՑ ԵԿԵՂԵՑՈՒ ԺՈՂՈՎՐԴԻ ՀԵՏ

Երկուշաբթի, 18 դեկտեմբեր 2017-ի երեկոյեան թեմիս առաջնորդ Գերշ. Տ. Սեպուհ Ս. Արք. Սարգսեան Թեհրանի եկեղեցիների ծխական ժողովրդի հետ հանդիպելու շարանում, հանդիպեց Սասուն քաղաքամասի Սրբոց Թարգմանչաց եկեղեցու ծխական ժողովրդի հետ։

Հանդիպման ներկայ էին եկեղեցու քահանայ հայրեր՝ Արժ. Տ. Կոմիտաս Քհնյ. Ղարախանեանն ու Արժ. Տ. Խաչատուր Քհնյ. Յարութիւնեանը, եկեղեցական խորհուրդն ու հաւատացեալների նկատառելի եւ միաժամանակ գնահատելի մի թիւ։

Երեկոն սկսւեց Տէրունական աղօթքով եւ «Զգործս ձեռաց մերոց» մաղթանքով, որից յետ եկեղեցական խորհրդի ատենապետ պրն. Արարատ Քէշիշեանը բարի գալստեան խօսքով ողջունեց ներկաներին իր ուրախութիւնը յայտնեց հաւատացեալների խուռներամ ներկայութեան համար եւ այնուհետ բացատրեց սոյն եւ նմանօրինակ հաւաքների կարեւորութիւնն ու անհրաժեշտութիւնը։

Առաջնորդ Սրբազան հայրը ջերմօրէն ողջունեց բոլորին եւ իր ուրախութիւնը յայտնեց այս առիթով, բացատրեց հաւաքի հիմնական նպատակը, որ ուրիշ բան չէ եթէ ոչ միմեանց հետ լինել, միմեանց մօտիկից ճանաչել իրարմով զօրանալու համար։«Հոգեւոր հովիւ եւ ժողովուրդ կենդանի հաղորդակցութիւնն ու անմիջական յարաբերութիւնը միմեանց հետ շատ կարեւոր է, ասաց Սրբազան հայրը, Այս պահը միմեանց հետ զրուցելու եւ մեր եկեղեցական, ազգային, ընկերային կեանքը յուզող հարցերի մասին խօսելու գեղեցիկ առիթ է» եզրակացրեց Սրբազան հայրը եւ այնուհետ առիթ տւաւ ներկաներին արտայայտւելու։

Ներկաներից առաջադրւած հարցերը եղան երիտասարդութիւն-ժողովուրդ-եկեղեցի յարաբերութեան հետ կապւած հարցեր, ինչպէս կարելի է զրուցել երիտասարդի հետ, նրան ներգրաւել մեր ազգային եկեղեցական կեանքի մէջ, խօսւեց նաեւ քրիստոնէական եւ հայեցի դաստիարակութեան անհրաժեշտութեան մասին։

Ներկաներից շատեր իրենց մտահոգութիւնը յայտնեցին մեր ժողովրդի մօտ հետզհետէ տեղ գտնող օտար եւ խորթ սովորութիւնների գծով, թաղման եւ հոգեհանգստեան արարողութիւնների ժամանակ անտեղի գումարների սպառման կապակցութեամբ եւ այլ երեւոյթների մասին։

Աւելի քան երկու ժամ տեւող հանդիպումը անցաւ շատ մտերմիկ եւ անկեղծ մթնոլորտում։

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ