Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Ս. Գրիգոր Նարեկացու «Մատեան ողբերգութեան» արեւելահայերէնով տպագրւած եւ «Սերտողութիւն Մատթէոսի Աւետարան»-ի գրքերի շնորհահանդէսը

Նախաձեռնութեամբ Քրիստոնէական դաստիարակութեան յանձնախմբի, երկուշաբթի, դեկտեմբերի 14-ի երեկոյեան, Հ. Ուս. «Չհարմահալ» միութեան «Յ. Թումանեան» սրահում տեղի ունեցաւ Ս. Գրիգոր Նարեկացու՝ «Մատեան ողբերգութեան» արեւելահայերէնով տպագրւած եւ երանաշնորհ Զարեհ Ազնաւուրեանի հեղինակած՝ «Սերտողութիւն Մատթէոսի Աւետարան»-ի 2 հրատարակութիւնների շնորհահանդէսը:

Գրքերը տպագրւել են Քրիստոնէական դաստիարակութեան յանձնախմբի կողմից:

Ծրագիրն սկսւեց Տէրունական Աղօթքով, ապա Քրիստոնէական Դաստիարակութեան Յանձնախմբի ներկայացուցիչ՝ պրն. Նորիկ Ղարաբէգեանի բացման խօսքից յետոյ, «Տաւիղ» երգչախումբը, ղեկավարութեամբ՝ տկն. Արփի Սիմրոջեանի, կատարեց Կոմիտասի՝ «Տէր Ողորմեայ» և «Քրիստոս ի մէջ»-ը: Ապա Այրինա Նորաւեանը ասմունքեց հատւածներ Սուրբ Գրիգոր Նարեկացուց:

Գեղարւեստան ծրագրի միւս բաժնում, երգչախումբը ներկայացրեց Psalm No. 117-ը, որին ընկերակցեցին դաշնակահար՝Ալին Թաշճեանը և Ջութակահարներ՝ Նանէ Յովհաննիսեանը և Նանոր Նազարեանը:

Ապա բանախօսեց Թ. Հ. Թեմի առաջնորդական փոխանորդ Տ. Մակար եպս. Աշգարեանը «Հոգևոր Գրականութեան մէջ Մեկնութեան Տեսակէտների Մասին», շեշտելով՝ «Որևէ գրական երկ մեկնութեան է կարօտում, նոյնիսկ յաճախ իր ժամանակակիցների համար»:  Ապա նշելով մեկնաբանութիւնների տեսակները, շեշտեց թէ կան 7 տեսակ մեկնութիւններ՝ Բառական, Լրման, Փոխաբերական, Բարոյական, Այլաբանական, Տիպաբանական և Խորհրդական:

Գեղարւեստական ծրագրի միւս բաժնում Օֆիկ Մելիքեանը մեներգեց՝ Մ. Եկմալեանի «Տաղ Աւետեաց և Ասւածածնայ»-ը:

Ապա բեմ հրաւիրւեց արտայայտւելու «Մատեան ողբերգութեան»-ը արեւելահայերէնի վերածած, Հայաստանից հրաւիրւած՝ պրոֆ. Աշոտ Պետրոսեանը: 

Երկու գրքերի շնորհահանդէսը կատարւեց Թ. Հ. Թեմի առաջնորդ Տ. Սեպուհ արք. Սարգսեանի, գրքերի մեկենասներ՝ Խաչիկ եւ Ռոզիկ Աբրահամեանների եւ Եարիջանեան եղբայրների նաև պրոֆ. Պետրոսեանի ձեռամբ:

Վերջում թեմակալ առաջնորդը հրաւիրւեց ասելու իր հայրական խօսքը:

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ