Ֆրանսացի Լրագրողների Այցն Ազգային Առաջնորդարան

Երկուշաբթի, թւականիս 25 սեպտեմբերի առաւօտեան ժամը 11-ին թեմիս առաջնորդ Գերշ. Տ. Սեպուհ Ս. Արք. Սարգսեանին այցելեցին Ռուհօլլահի Որդիք Կազմակերպութեան հիւր եղող Ֆրանսացի լրագրողները. Սրբազան հայրը ջերմ սիրով հիւրընկալելով այցելուներին հակիրճ կերպով ներկայացրեց Իրանի, ի մասնաւորի հայ համայնքի հասարակական կեանքը, ապա լուսաբանիչ բացատրութիւններով պատասխանեց պատւիրակութեան անդամների հարցերին։

Սրբազան հայրը իր խօսքերի մէջ անդրադարձաւ երկրի սահմանադրական օրէնքի համաձայն կրօնական, ազգային փոքրամասութիւնների կրօնական-հասարակական իրաւունքների մասին։ Սրբազան հայրը նաեւ ակնարկեց Իրանի հոգեւոր բարձրագոյն հոգեւորականների կողմից հայութեանը եւ քրիստոնէութեանը հանդէպ տածած ուշադրութեան եւ սիրալիր վերաբերմունքի մասին, որի հողի վրայ այսօր  բազմակրօն եւ բազմաազգ Իրանում իշխում է համատարած խաղաղ համակեցութիւն եւ խաղաղութիւնը։

Սրբազան հայրը նաեւ ակնարկեց, որ ոչ իսլամ փոքրամասութիւնները լինելով Իրանի առաջին կարգի քաղաքացիներ լիարժէքօրէն վայելում են հասարակական իրաւունքները, նաեւ ազատօրէն ու անխոչնդոտ կատարում են իրենց կրօնական եւ ազգային արարողութիւններն ու աւանդութիւնները։

Սրբազան հայրը նաեւ ակնարկեց, որ հայ համայնքը գլխաւորութեամբ Ազգային իշխանութեան իր սերտ եւ յարգալից կապն է պահպանում երկրի ղեկավարութեան, նախարարութիւնների, կրօնների եւ քաղաքակրթութիւնների կազմակերպութեան հետ եւ իր քաղաքացիութեան ու քրիստոնէական պարտքն է կատարում ի խնդիր բարգաւաճման իրանեան հայրենիքի։