2016-17 ուսումնական տարեշրջանի Մշակութային փառատօն – Ասմունք

Թ. Հ. Թ. Կրթական Խորհրդի Մշակութային Յանձնախմբի 2016-2017 ուսումնական տարեշրջանի Մշակութային Փառատօնի 3-րդ օրը յատկացւած էր ասմունքի փառատօնին:

Ասմունքի մրցութիւնները տեղի ունեցան մարտի 3-ին «Արարատ» մարզաւանի «Վաչիկ Ղարաբէգեան» սրահում, որին մասնակցում էին տարրական եւ միջնակարգ օղակի աւելի քան 200 աշակերտներ:

Մրցութիւնները կայացան առաւօտեան ժամը 10-ից մինչեւ կ. յ. ժամը 1-ը՝ տարրական օղակի Ա, Բ եւ Գ դասարանների աշակերտների մասնակցութեամբ, այնուհետեւ շարունակւեցին կ. յ. ժամը 2-ից 5:30-ը տարրական օղակի Դ, Ե եւ Զ եւ 6-9-ը միջնակարգ օղակի աշակերտների ելոյթներով:

Տարրական օղակի իրաւարար կազմի անդամներն էին Շարիս Մելքոմ Աբգարը, Աննա Զարգարեանը եւ Հիլդա Յարութիւնեանը:

Միջնակարգ օղակի իրաւարար կազմին մաս էին կազմում՝ Հրանուշ Սարգսեանը, Ալինա Յովսէփեանը եւ Հայրիկ Աղանեանը:

Պէտք է կարեւորութեամբ նշենք, որ արդէն վեց տարի է, որ մշակութային փառատօնի արդիւնքում ստեղծւել եւ իր աշխատանքն է շարունակում Թ. Հ. Թ. Կրթական խորհրդի «Նոր ձայներ» երգչախումբը, շուրջ 30 աշակերտների մասնակցութեամբ եւ Արփի Սիմրոջեանի ղեկավարութեամբ:

Փառատօնի բոլոր մրցութիւններին ներկայ է գտնւել Կրթական խորհրդի անդամ եւ Մշակութային յանձնախմբի կապ Ժասմէն Մինասեանը որը ելոյթների աւարտին ընթերցել է Կրթական խորհրդի խօսքը եւ գնահատել կատարւած աշխատանքն ու խրախուսել մասնակից աշակերտներին:

Իսկ միջոցառմանը այցելել են Կրթական խորհրդի ատենապետ Սեւան Դանիէլեանը եւ անդամ Մելինէ Բադալը:

Շնորհակալութեան ջերմ խօսքեր ունենք ասելու Հայ մշակութային «Արարատ» կազմակերպութեան Կենտրոնական վարչութեանը եւ հայ մշակութային «Սիփան» միութեան վարչութեանը, որ դիւրութիւններ ստեղծեցին Մշակութային յանձնախմբի համար փառատօնը կազմակերպելու գործում:

Յատուկ շնորհակալութիւն պէտք է յայտնենք մեր յարգելի իրաւարար կազմի բոլոր անդամներին, որոնց ներկայութիւնը շուք է տալիս մշակութային փառատօնին:

Եւ ի վերջոյ, շնորհակալութիւն բոլոր նրանց, ովքեր օժանդակեցին մեզ այս աշխատանքը իրագործելու համար:

Բոլոր մրցութիւնների արդիւնքները յայտարարւել են նոյն օրը ելոյթներից յետոյ, ի բաց առեալ ասմունքի մրցութեան տարրական օղակի Դ, Ե, Զ եւ միջնակարգ օղակինը, որոնք արդէն Կրթական խորհրդի գրասենեակի միջոցով ուղարկւել են դպրոցները՝ աշակերտներին տեղեկացնելու համար:

Թ. Հ. Թ. Կրթական Խորհրդի Մշակութային Յանձնախումբ

Ասմունքներ - Տարրականի Ա, Բ և Գ դասարանների Աշակերտներ՝

Ասմունքներ - Տարրականի Դ, Ե և Զ դասարանների Աշակերտներ՝

Ասմունքներ - Միջնակարգի Աշակերտներ՝