Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Յիշատակ Ս. Գրիգոր Լուսաւորչի Չարչարանաց և Մուտն ի Վիրապն

Թւականիս շաբաթ Ապրիլի 1-ին Հայաստանեայց Առաքելական Սուրբ Եկեղեցու մեծագոյն սուրբերից և երկրորդ լուսաւորիչ՝ Ս. Գրիգոր Պարթև Հայրապետի չարչարանքների և խոր Վիրապ մտնելու յիշատակի տօնն էր:

Նոյն օրը ողջ հայութիւնը Հայաստանում և սփիւռքում մեծ շուքով և ուրախութեամբ տօնեց սոյն տօնը, որը նաև Մեծի Տանն Կիլիկիոյ Կաթողիկոսարանի ուխտի օրն էր. որտեղ հազարաւոր հայորդիներ և հաւատացեալներ ներկայ գտնւեցին պատարագին և մասնակցեցին հանդիսաւոր թափօրին: Նրանք թափօրի ընթացքին Վեհափառ Հայրապետի, սրբազան և միաբան հայրերի ձեռքերում բռնւած բազում սրբերի մասունքներով օրհնւեցին և ստացան իրենց սրտի խնդրանքներն ու կարիքները: Սրբերի մասունքներից գլխաւորներն էին՝ Ս. Գրիգոր Լուսաւորչի Աջը, Ս. Նիկողայոս և Ս. Սեղպեստրոս հայրապետների մասունքները, ինչպէս նաև Ս. Յովհաննէս Մկրտչի, Ս. Յակոբի, Ս. Յովհաննէս Ոսկեբերանի և բազում այլ սուրբերի մասունքներ:  

Այս ուրախ և օրհնալի առիթով, ինչպէս նաև Զէյթուն քաղաքամասի Ս. Գրիգոր Լուսաւորիչ եկեղեցու անւանակոչութեան տօնի առիթով, նոյն եկեղեցում տեղի ունեցաւ եպիսկոպոսական հանդիսաւոր պատարագ ձեռամբ՝ Թեմիս առաջնորդական փոխանորդ՝ Գերշ. Տ. Մակար Ս. Եպս. Աշգարեանի:

Եկեղեցական արարողութեան ներկայ էին քահանայ հայրերը, թաղամասի պատգամաւորները, զանազան միութիւնների և մարմինների ներկայացուցիչները ինչպէս նաև եկեղեցիների եկեղեցական խորհուրներն ու հաւատացեալ ժողովուրդը:

Սրբազան Հայրն օրւայ աւետարանական հատւածից մեկնելով՝ իր քարոզում անդրադարձաւ գլխաւոր 3 պայմանների մասին, որոնք անհրաժեշտաբար լրացւելու են իւրաքանչիւր հաւատացեալի և Քրիստոսի ճշմարիտ աշակերտողի կողմից. դրանք են՝ ուրանալ անձը, վերցնել իր խաչը և հետևել Քրիստոսին: Պատարագիչ Սրբազան Հայրը Յիսուս Քրիստոսի, առաքեալների և յատկապէս Պօղոս Առաքեալի կեանքի և գործունէութեան միջից վեր բերեց իսկական քրիստոնեայի կերպարը և այն զուգորդեց հայ եկեղեցու և ազգի մեծագոյն սրբի՝ Ս. Գրիգոր Լուսաւորչի անձին, կեանքին, զոհողութեան, ինքնուրացութեան և գործունէութեանը, ով իբրև ճշմարիտ Քրիստոսի աշակերտողի և հետևողի ուրացաւ իր անձը, վերցրեց իր խաչը ամենայն համբերութեամբ և հետևեց Քրիստոսին: Եւ նրա կամաւոր յանձնառութեան իբրև արդիւնք փոխակերպւեց, լուսազարդւեց և կենսաւորւեց Հայաստան Աշխարհն ու հայու կեանքը՝ նրա անշահախնդիր և անսակարգ ծառայութեամբ ի փառս Աստծու, ի բարօրութիւն հայ ժողովրդի և ի հզօրացումն Հայաստան Աշխարհի:

Յաւարտ ս. պատարագի տեղի ունեցաւ հոգեհանգստեան արարողութիւն եկեղեցու բարերար՝ հանգուցեալ Գրիգոր Մելիքեանի եւ Մելիքեան գերդաստանի, ինչպէս նաև հանգուցեալ բարերարներ՝ Ալբերթ Քոչարեանի և Թադէոս Եարիջանեանի ու համայն Քոչարեան և Եարիջանեան ննջեցեալների հոգիների խաղաղութեան համար:

Յետ արարողութեան Ս. Գրիգոր Լուսաւորիչ Եկեղեցու եկեղեցական խորհուրդը,  տօնի ուրախ առիթով պաշտօնական ճաշկերոյթով պատւեց Սրբազան Հօրն ու քահանայ հայրերին և ներկայ հիւրերին:

ՏՕՆԵՐ

Կրօնական Տօների Օրացոյց


Երկուշաբթի 25 Մարտի 2024;
Աւագ երկուշաբթի

Երեքշաբթի 26 Մարտի 2024;
Աւագ երեքշաբթի

Չորեքշաբթի 27 Մարտի 2024;
Աւագ չորեքշաբթի

Հինգշաբթի 28 Մարտի 2024;
Աւագ հինգշաբթի

Ուրբաթ 29 Մարտի 2024;
Աւագ ուրբաթ

Շաբաթ 30 Մարտի 2024;
Ճրագալոյց

Կիրակի 31 Մարտի 2024;
Սուրբ Յարութիւն կամ Զատիկ

Կիրակի 07 Ապրիլի 2024;
Կրկնազատիկ եւ Աւետումն Սուրբ Կոյս Մարիամ Աստւածածնի

Կիրակի 14 Ապրիլի 2024;
Կանաչ կամ Աշխարհամատրան Կիրակի

Կիրակի 28 Ապրիլի 2024;
Սուրբ Խաչի Երեւման Տօն

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ