Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Events Calendar

Կրօնական Տօն՝

Thursday, 23 June 2022

ԱՅՍՕՐ ՏՕՆՆ Է Ս. ՍԱՀԱԿ ԵՒ Ս. ՅՈՎՍԷՓ ԿԱՐՆԵՑԻՆԵՐԻ

ԱՅՍՕՐ ՏՕՆՆ Է Ս. ՍԱՀԱԿ ԵՒ Ս. ՅՈՎՍԷՓ ԿԱՐՆԵՑԻՆԵՐԻ

Այս երեւելի վկաները Հայոց աշխարհի երկնակամարում, որպէս հաւատքի լուսատու աստղեր յայտնւեցին, Հայասանում ՝ Արաբական խալիֆայութեան ժամանակ Հարուն Խալիֆայի (786-809) և Բիւզանդիայի Նիկեփորոս Ա կայսեր (802-811) օրօք: Նրանք զաւակներն էին Կարին քաղաքում բնակւող արաբ իշխան Կայսի եւ բարեպաշտ հայուհի քրիստոնեայի, որին իշխանը չէր արգելել մկրտել եւ քրիստոնեական հաւատով դաստիարակել իր երեք որդիներին: Յովսէփը աւագն էր, Սահակը՝ միջնեկը, բայց կրտսերի անունը մեզ չի հասել: Մանուկ հասակից նրանք վարժւել էին աղօթական և բարեպաշտական կեանքին։ Երեք եղբայրներն էլ առաքինասէր կեանք էին վարում։

Բայց երկրում տիրող հակաքրիստոնէական կարգերի բերումով, նրանք ստիպւած էին թաքցնել իրենց աստւածպաշտութիւնը , բայց երբ հասնում են հասուն տարիքի, որոշում են անկաշկանդ և լիարժէք հոգևոր կեանքով ապրելու համար Բիւզանդիայ գնալ: Յունաց դեսպանի միջոցով նրանք նամակ են ուղարկում Նիկեփորոսին կայսերին, և դրական պատասխան ու հրաւէր ստանալով՝ հօրից թաքուն պատրաստւում են տնից հեռանալ: Բայց Կայսը ուրիշներից տեղեկանում է նրանց նպատակի մասին և բռնութեամբ արգելում որդիներին հեռանալ հայրենիքից: Կրտսեր եղբայրը, կարողանալով փախչել հայրական տնից, հասնում է բաղձալի նպատակին, իսկ միւս եղբայրները որոշում են չհակառակւել հօրը, բայց միառ ժամանակ անց յարմար առիթ գտնելով, դարձեալ դիմում են փախուստի: Այս անգամ նրանց կանխում է Կարինի քաղաքապետի գործակալը, որը յատուկ հսկում էր քաղաքի ելումուտը եւ, կռահելով եղբայրների ուղեւորութեան պատճառը, նրանց բերում է քաղաքապետի մօտ:

Երանելի քրիստոնեաներն իսկոյն Սուրբ Հոգու ազդմամբ հասկանում են, որ Տիրոջ կամքը չէ, որ իրենք հեռանան օտար երկիր: Առանց վարանելու քաղաքապետին խոստովանում են իրենց քրիստոնեայ լինելը: Քաղաքապետը, զարմացած նրանց համարձակութիւնից և խիստ վիրաւորւած իր կրօնի հանդէպ անարգալից վերաբերմունքից, բանտարկում է եղբայրներին, եւ որոշում է յատուկ անձանց բանտ ուղարկել զանազան խոստումներով հրապուրելու և տարահամոզելու համար։ Բայց եղբայրները չեն պատրաստւում ուրանալ Քրիստոնէական հաւատքը: Այն ժամանակ նրանց այցելում է ծերունի հայրը և ողբալով աղաչում, որ գոնէ, խղճալով իրեն, առերես ուրանան եւ շարունակեն ծածուկ պաշտել իրենց Աստծուն: Եղբայրները մերժում են հօր խնդրանքները՝ վկայակոչելով Քրիստոսի խօսքը, թէ՝ «Ով Ինձ կուրանայ մարդկանց առաջ, Ես էլ նրան կուրանամ Իմ Հօր առաջ [Մատթ. 10.33]:

Նրանք մեծ ուրախութեամբ ընդունում են իրենց մահւան դատապարտման լուրը։ Նահատակութիւնից յետոյ նրանց մարմինները նետում են մի ամայի վայր՝ արգելելով բնակիչներին մօտենալ նրանց, որպէսզի, կենդանիների կեր դառնան: Բայց յանկարծ երկնքից լոյս է իջնում սրբերի վրայ՝ զարմանք ու ահ պատճառելով ներկաներին: Ի վերջոյ Կարինի իշխանը զղջալով՝ թոյլատրում է քրիստոնեաներին պատւով վերցնել ու հողին յանձնել սուրբ նահատակների մարմինները, իսկ բանտարկւած միւս քրիստոնեաներին ազատ է արձակում:

Մարտիրոսացած եղբայրների գերեզմանների վրայ որոշ ժամանակ անց վայելուչ վկայարան է կառուցւում, որտեղ նրանց բարեխօսութեամբ բազմաթիւ բժշկութիւններ են կատարւում:
Ս. Սահակի և ս. Յովսէփի նահատակութիւնը տեղի ունեցել 808 թ. հոկտեմբերի 19-ին: Այժմ այն յիշատակւում է Ս. Էջմիածնի տօնին յաջորդող հինգշաբթի օրը:
Յաւիտենական Յիշատակն Արդարոց՝ Օրհնութեամբ Եղիցի

 
 

ԸՆԹԵՐՑՈՒՄՆԵՐ

Առօրեայ Աստւածաշնչեան ընթերցումներ




Երեքշաբթի 20 Սեպտեմբերի 2022;
Սրբոց կուսանացն Փեփրոնեայ, Մարիանեայ եւ Շուշանայ` դստերն Մեծին Վարդանայ Առակներ 23.15-25։ Օսէէ 14.6-8։ Բ Կորնթացիներ 6.16-7.1։ ԱՒԵՏԱՐԱՆ ԸՍՏ ՂՈՒԿԱՍԻ 6.20-23։

Չորեքշաբթի 21 Սեպտեմբերի 2022;
Պահք Բ Կորնթացիներ 11.10-23։ ԱՒԵՏԱՐԱՆ ԸՍՏ ՄԱՐԿՈՍՒ 10.17-23։

Հինգշաբթի 22 Սեպտեմբերի 2022;
Սրբոց հայրապետացն Բարաղամու, Անթիմոսի եւ Երանոսի Իմաստութիւն Սողոմոնի 10.9-12։ Մաղաքիա 2.5-7։ Ա Պետրոս 5.1-7։ Յհ 10.11-16։

Ուրբաթ 23 Սեպտեմբերի 2022;
Պահք Բ Կորնթացիներ 11.30-12.9։ ԱՒԵՏԱՐԱՆ ԸՍՏ ՄԱՐԿՈՍՒ 10.28-33։

Շաբաթ 24 Սեպտեմբերի 2022;
Սրբոցն Գէորգայ զօրավարին, Ադոկտոսի եւ Ռոմանոսի երգեցողին Իմաստութիւն Սողոմոնի 8.19-9.5։ Եսայի 42.1-8։ Բ Կորնթացիներ 1.3-7։ ԱՒԵՏԱՐԱՆ ԸՍՏ ՂՈՒԿԱՍԻ 12.2-9։

Կիրակի 25 Սեպտեմբերի 2022;
Գ կիրակի զկնի Ս. Խաչին: Տօն է Վարագայ Սրբոյ Խաչի ԱՌԱԿՆԵՐ 3.18-26։ Եսայի 65.22-25։ Գաղատացիներ 6.14-18։ ԱՒԵՏԱՐԱՆ ԸՍՏ ՄԱՏԹԷՈՍԻ 24.30-36։

Երկուշաբթի 26 Սեպտեմբերի 2022;
Սրբոյն Դաւթի Դւնեցւոյն եւ սրբոց վկայիցն Ղամբէոսի եւ Ղամբէուհւոյն ԱՌԱԿՆԵՐ 13.1-7։ Միքիա 7.18-20։ ԹՈՒՂԹ ԵԲՐԱՅԵՑԻՆԵՐԻՆ 12.1-7։ ԱՒԵՏԱՐԱՆ ԸՍՏ ՂՈՒԿԱՍԻ 13.22-30։

Երեքշաբթի 27 Սեպտեմբերի 2022;
Սրբոցն Եւստաթէոսի եւ կնոջ նորա Թէոփիստեայ եւ երկուց որդւոցն եւ սրբոց կուսանացն Երմոնեայ եւ Նեքտարինեայ Ողբ 3.22-56։ Բ Տիմոթէոս 3.10-15։ ԱՒԵՏԱՐԱՆ ԸՍՏ ՄԱՏԹԷՈՍԻ 5.1-12։

Չորեքշաբթի 28 Սեպտեմբերի 2022;
Պահք Բ Կորնթացիներ 12.10-18։ ԱՒԵՏԱՐԱՆ ԸՍՏ ՄԱՐԿՈՍՒ 10.35-45։

Ուրբաթ 30 Սեպտեմբերի 2022;
Պահք Բ Կորնթացիներ 12.19-13.4։ ԱՒԵՏԱՐԱՆ ԸՍՏ ՄԱՐԿՈՍՒ 11.15-25։

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ