Կրօնական Տօն՝

Tuesday, 26 September 2023

Սուրբ կոյսեր Փեփրոնայի,Մարիանայի եւ Շուշանի՝ Մեծն Վարդանի դստեր յիշատակի օր

Սուրբ կոյսեր Փեփրոնայի,Մարիանայի եւ Շուշանի՝ Մեծն Վարդանի դստեր յիշատակի օր

Փեփրոնէ
Նահատակւել է Դիոկղետիանոս կայսրի օրօք։ Մեծացել է կուսանոցում։ Հալածանքների ժամանակ, երբ բոլոր կոյսերը փախուստի են դիմում,Փեփրոնէն մայրապետի հետ մնում է կուսանոցում։ Մերժելով ամուսնանալ հեթանոսի հետ՝ ենթարկւում է տանջանքների եւ գլխատւում։ Նրա մահից յետոյ դատաւորը խենթանում եւ որի բերեումով ինքնասպան լինում, իսկ նրա յաջորդը զղջում է, դառնում քրիստոնեայ եւ դադարեցնում է հալածանքները։

Մարիանէ
Նահատակւել է Դիոկղետիանոս կայսրի օրօք Պիսիդորեան Անտիոքում,Օլիմբրիա կառավարիչի կողմից, 15 տարեկան հասակում։ Նրա հայրը, որ հեթանոս քուրմ էր, աղջկան դատարան է մատնում Քրիստոսին դաւանելու համար։ Մերժելով ամուսնանալ դատաւորի հետ՝ Մարիանէն ենթարկւում է դաժան հալածանքների։ Տեսնելով նրա քաջութիւնը՝ 15000 հեթանոսներ խոստովանում են Քրիստոսին եւ գլխատւում։ Մարիանէն դատապարտւում է սրով գլխատւելու, սակայն գլուխը սրի տակ խոնարհելիս՝ մահանում իր մահով։
Շուշան Վարդենի
Վարդան մամիկոնեան զօրավարի աւագ դուստրն էր, իր իսկական անունը՝ Վարդենի, իսկ Շուշանիկը իր փաղաքշական անունն էր, որով եւ ճանաչւել է երկար դարեր հայոց պատմութեան եւ վարքաբանութեան մէջ։
Ամուսնացել է վրաց Աշուշա բդեշխի որդի Վազգէնի հետ՝ ունենալով երեք տղայ եւ մէկ աղջիկ։ Հօր մահից յետոյ, երբ իր ամուսինը բդեշխ է դառնում, Սասանեան Յազկերտի դրդումով կրօնափոխ է լինում ու ամուսնանում է պարսիկ Պերոզ իշխանի զոքանչի հետ։ Այդ բանից յետոյ Շուշանիկը քաշւում է մի փոքրիկ եկեղեցու առընթեր տնակ եւ այնտեղ ապրում աղօթքով ու արցունքներով՝ արհամարելով իր ամուսնու բազմաթիւ առաջարկներն ու սպառնալիքները ՝ հաւատափոխ դառնալու համար։ Շուշանիկը եօթ տարի անլուր տանջանքների է ենթարկւում իր ամուսնու ձեռքով՝ ապաւինելով միայն իր պապից՝ Ս․Սահակ Հայրապետից իրեն կտակւած Աւետարանի ընթերցանութեանը։
Ս․Շուշանիկը մարտիրոսական մահով իր հոգին աւանդում է Աստծուն 470 թւականին։
Նա իր Աւետարանում գրել է յիշեալ տողերը․« Սրտիս տաճարը պահեցի անաղարտ,Պապիս Ս․Սահակի, եւ ծնողներիս՝ Վարդանի ու Դստրիկի միջոցով այն նւիրում եմ իմ Աստծուն։Թող իմ մահն էլ խառնւի իմ սուրբ հայրերի հետ»։