Պաշտօնական այցով Թեհրանում գտնւող Հ.Հ. Պաշտպանութեան Նախարար Վիգէն Սարգսեանը և իր գլխաւորած պատւիրակութիւնը, չորեքշաբթի փետրւարի 1-ին այցելեցին Թեհրանի հայոց թեմի առաջնորդարան:
Այցելութեան ընթացքին պատւիրակութիւնը հանդիպում ունեցաւ թեմի առաջնորդ՝ Տ. Սեպուհ արք. Սարգսեանի, Իսլ. խորհրդարանում իրանահայութեան զոյգ պատգամաւորներ՝ դոկտ. Կարէն Խանլարեանի եւ Ժորժիկ Աբրահամեանի, Թեմական խորհրդի, Պատգամաւորական ժողովի և ազգային մարմինների ներկայացուցիչների եւ հոգեւոր դասի հետ:
Հանդիպմանը, Հ.Հ. պաշտպանութեան նախարարն արժևորեց եւ բարձր է գնահատեց Հայոց եկեղեցու եւ Սփիւռքի կառոյցների դերակատարութիւնը հայապահպանութեան, ինչպէս նաեւ հայ-իրանական բարեկամական յարաբերութիւնների ամրապնդման ու հետագայ զարգացման գործում:
Ելոյթ են ունեցել նաեւ Սրբազան հայրը, Կարէն Խանլարեանն ու Ժորժիկ Աբրահամեանը: Սրբազան հայրը ներկայացրեց թեհրանահայ համայնքը, Ժորժիկ Աբրահամեանը՝ Նոր Ջուղայի հայ համայնքը, իսկ Կարէն Խանլարեանն էլ անդրադարձել է Հ.Հ. պաշտպանութեան նախարարի գլխաւորած պատւիրակութեան այցի քաղաքական նշանակութեանն ու կարեւորութեանը՝ հայ-իրանական յարաբերութիւնների համատեքստում:
Վիգէն Սարգսեանն այցելեց նաեւ Ս. Սարգիս առաջնորդանիստ եկեղեցի եւ ծաղեպսակ մատուցեց եկեղեցու տարածքում գտնւող Հայոց Ցեղասպանութեան զոհերի յուշարձանին, յարգելով նրանց յիշատակը:
http://www.tehranprelacy.com/9-content-hy/news-hy/940-2017020402?tmpl=component&print=1#sigProId709c9dece2