×

Զգուշացում

JFolder: :files: Հասցեն չի տանում դեպի պանակ։ Հասցե՝ [ROOT]/images/201701/2017012601
×

Տեղեկացում

There was a problem rendering your image gallery. Please make sure that the folder you are using in the Simple Image Gallery Pro plugin tags exists and contains valid image files. The plugin could not locate the folder: images/201701/2017012601

«Նայիրի-Սողոմոնեան» Դպրոցի Աշակերտութեան Ցաւակցական Այցը

Թեհրանի «Պլասկօ» շէնքի հրդեհման և փլուզման պատճառով զոհւած փրկարարների յիշատակը յարգելու համար, չորեքշաբթի յունւարի 25-ին Թեհրանի Հայոց Ազգային «Նայիրի-Սողոմոնեան» տղայոց միջնակարգ դպրոցի աշակերտները ցաւակցական այցելութիւն կատարեցին «Սասուն» քաղաքամասում գտնւող հրշէջ կենտրոն, որտեղ հանդիպեցին կենտրոնի պատասխանատուներին:

Հանդիպմանը, դպրոցի տեսուչ՝ պրն. Բահիրային ողջ աշակերտութեան, ուսուցչական կազմի և ծնողական խորհրդի կողմից ցաւակցական խօսքեր ուղղելով կենտրոնի աշխատողներին, կարևորեց զոհաբերութեան գործելակերպը, որը ցուցադրել են քաջ և անձնազոհ հրշէջները այդ կենտրոնի հրդեհը մարելու ընթացքին և յոյս յայտնեց, որ նման հոգեբանութիւնը միշտ առկայ լինի մասնաւորաբար երիտասարդ սերնդի մօտ:

Կենտրոնի պատասխանատուն ևս իր հակիրճ ելոյթում շնորհակալութիւն յայտնեց աշակերտներին այս այցի համար և տեղեկութիւններ փոխանցեց «Պլասկօ» շէնքի հրդեհը մարելու և փրկարարական աշխատանքների մասին:

Վերջում դպրոցականների կողմից եղան հարցումներ, որոնց պատասխանեցին կենտրոնի աշխատողները:

Հարկ է նշել, որ սոյն դպրոցի աշակերտները վերջին օրերի իրենց առաւօտեան աղօթքը նւիրել են այդ զոհերի յիշատակին և հոգիների խաղաղութեան:

{gallery}201701/2017012601{/gallery}