ՏՕՆԵՐ

Կրօնական Տօների Օրացոյց


Երեքշաբթի 06 Հոկտեմբերի 2020;
տօն՝ կուսանացն Թէղկիի,Վառվառայի եւ Պեղիգեայի

Շաբաթ 10 Հոկտեմբերի 2020;
Տօն թարգմանիչներ Սրբոցն՝ Մեսրոպի,Եղիշէի,Մովսէս Քերթողի,Դաւիթ Անյաղթի,Գրիգոր Նարեկացու եւ Ներսէս Կլայեցու։

Երկուշաբթի 12 Հոկտեմբերի 2020;
Գիւտ նշխարաց Սրբոյն Գրիգորիսի Աղւանից կաթողիկոսի եւ Սրբոց հարցն՝Թաթլոյ,Վարոսի, եւ Թումասու,Անտոնի եւ կրօնիդեայ եւ եօթն խոտաճարակացն,որք յԻննակնեան վանսն կատարեցան։

Երեքշաբթի 13 Հոկտեմբերի 2020;
Տօն՝ Սրբոց առաքելոց Անանիայի,Մատաթիայի,Բառնաբայի, Փիլիպոսի,Յովհաննու, Շիղայի եւ Սիղւանոսի։

Հինգշաբթի 15 Հոկտեմբերի 2020;
Տօն Ս․ Դիոնիսիոս Արիապագացու,Տիմոթէոսի ու Տիտոս առաքեալների։

Շաբաթ 17 Հոկտեմբերի 2020;
Տօն՝ Աւետարանչացն Մատթէոսի,Մարկոսի,Ղուկասի եւ Յովհաննէսի։

Երկուշաբթի 19 Հոկտեմբերի 2020;
Սրբոցն Ղունկիանոսի հարիւրապետին որ հաւատաց ի խաչելութեանն Քրիստոսի եւ Յովսէփայ Աստւածահօրն եւ Յովսէփայ Արիմաթւացոյն եւ բարեկամին Քրիստոսի Ղազարու եւ Քերցն նորա՝ Մարթայի եւ Մարիամու։

Կիրակի 25 Հոկտեմբերի 2020;
Գիւտ Խաչ

Հինգշաբթի 29 Հոկտեմբերի 2020;
Տօն Յովհան Ոսկեբերանի

Շաբաթ 31 Հոկտեմբերի 2020;
Տօն՝ Ամենայն Սրբոց,Հնոց եւ Նորոց,Յայտնից ու Անյայտնից։

ԸՆԹԵՐՑՈՒՄՆԵՐ

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ



ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Հայ Նահատակների և Անձնուրացների Մեծարման Ծրագիր

Երկուշաբթի յունւարի 17-ին, Նոր Տարւայ և Ս. Ծննդեան տօների առիթով, Թեհրանի 8-րդ շրջանի քաղաքապետարանի և Զարքէշ թաղամասի խորհրդի նախաձեռնութեամբ և Թ.Հ. Թեմի անձնուրացների և նահատակների արժէքների պահպանման յանձնախմբի համագործակցութեամբ, «Սասուն» քաղաքամասի «Նայիրի» սրահում տեղի ունեցաւ հայ նահատակների և անձնուրացների մեծարման ծրագիր:

Ծրագրին ներկայ էին Թեհրանի Նահատակների և Անձնուրացների Հաստատութեան տնօրէն՝ դոկտ. Սամիմին, 8-րդ շրջանի քաղաքապետ՝ ճարտ. Նուրին, քաղաքապետարանի և «Զարքէշ» թաղային խորհրդի ներկայացուցիչները, իսկ Նահատակների Հիմնարկից՝ պրն. Արբի Թէյմուրեանը:

Թեհրանի Հայոց Թեմից ներկայ էին Տէր Յակոբ և Տէր Վրթաննէս քահանայ հայրերը, Թեմական Խորհրդի անդամ՝ Վարդան Բաբախանեանը, անձնուրացների յանձնախմբից՝ Արմենակ Յարութիւնեանը, Արտուշ Իսկանդարեանը և Շահէն Միրզայեանսը, հայ նահատակների ընտանիքի անդամներ և պարտադրեալ պատերազմում վիրաւորւած անձնուրացներ:

Ծրագիրն սկսւեց Տէրունական աղօթքով, ապա բացման խօսքից յետոյ, Տէր Վրթաննէս Բաբախանեանն ընթերցեց Թ.Հ.Թ.-ի առաջնորդ Տ. Սեպուհ արք. Սարգսեանի պատգամը՝ պարսկերէն լեզւով:

Ծրագրում ելոյթ ունեցան ճարտ. Նուրին և Դոկտ. Սամիմին, որոնք իրենց գոհունակութիւնը յայտնեցին հայ նահատակների և անձնուրացների մեծարման ձեռնարկին ներկայ գտնւելու առիթով:

Դոկտ. Սամիմին իր խօսքում շեշտեց «Իրանը իւրայատուկ երկիր է, որը պատկանում է բոլոր իրանցիներին և Աստւածային կրօնների հետևորդներին: Անձնուրացութիւնը շեշտւած է այդ կրօններում: Քրիստոնէութիւնը ևս յատուկ իմաստաւորում է այդ երևոյթը, որտեղ և յարգանքով է մօտենում սոյն խնդրին: Մեր Իրանն ունի այն իւրայատկութիւնը, որ երբ ոտնձգութիւն է կատարւում նրա դէմ, բոլոր իրանցիները պարտք են զգում ոտքի կանգնել և պաշտպանել իրենց երկիրը»:

Անդրադառնալով հայ նահատակներին և անձնուրացներին, դոկտ. Սամիմին շեշտեց՝ «հայերը թէ յեղափոխութեան օրերին, թէ պատերազմի և թէ ներքին տարաձյնւող խմբերի «մոնաֆեղների» դէմ պայքարում նահատակներ են ունեցել: Տարբեր փուլերում թէ ներքին և թէ արտաքին թշնամու ոտնձգութեան ժամանակ դուք սիրելիներ պաշտպանել էք ու նահատակներ տւել»:

Ապա նահատակութեան իմաստին անդրադառնալով, եզրակացրեց՝ «ես և դուք գնալու և մոռացւելու ենք, սակայն ապագայ սերունդները հպարտանալու են նահատակներով»:

Ծրագրի յաջորդ բաժնում ելոյթ ունեցաւ Արտուշ Իսկանդարեանը, որը հակիրճ ներկայացրեց իրանահայութեան մասնակցութիւնն ու տարած աշխատանքները յեղափոխութեան օրերից մինչև պարտադրեալ պատերազմն ու ապագայ տարիները:

Ծրագրի վերջում գնահատւեցին հայ նահատակների ընտանիքներն ու ներկայ անձնուրացները:

Ծրագրում ներկայ էին հայ նահատակներ՝ Վահիկ Բաղդասարեանի, Ալէն Աբգար Շահնազարեանի, Ժորժիկ Մուրադեանի, Վարդան Աղախանեանի, Վիգէն Կարապետեանի, Ռազմիկ Խաչատրեանի, Ժոզէֆ Շահիի և Ալֆրեդ Գաբրիի ընտանիքներից ներկայացուցինչներ:

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com