×

Զգուշացում

JFolder: :files: Հասցեն չի տանում դեպի պանակ։ Հասցե՝ [ROOT]/images/201701/2017010301
×

Տեղեկացում

There was a problem rendering your image gallery. Please make sure that the folder you are using in the Simple Image Gallery Pro plugin tags exists and contains valid image files. The plugin could not locate the folder: images/201701/2017010301

«Սասուն» Քաղաքամասում փողոց՝ նահատակ զինւոր Հրաչ Թորոսեանի անւամբ

Երկուշաբթի 2017 թւի յունւարի 2-ին, Թեհրանի «Սասուն» քաղաքամասի փողոցներից մէկը վերանւանւեց 8-ամեայ Իրան-Իրաք պարտադրեալ պատերազմի հայ նահատակ զինւոր՝ Հրաչ Թորոսեանի անունով:

Աշխատանքը կազմակերպւել էր «Սասուն» քաղաքամասի Զարքէշ-ի շրջանի թաղային խորհրդի միջոցով, որին ներկայ էին սոյն խորհրդի անդամները և շրջանի քաղաքապետարանի ներկայացուցիչները: Իսկ հայ համայնքի կողմից ներկայ էին Արժ. Տ. Կոմիտաս քհն. Ղարախանեանը և Արժ. Տ. Վրթանէս քհն. Բաբախանեանը, Թեմական Խորհրդի ներկայացուցիչ՝ պրն. Վարդան Բաբախանեանը, անձնուրացների յանձնախմբից պրն. Արման Բանդարին և պրն. Շահէն Միրզայեանսը, նաև այլ հայրենակիցներ:

Նահատակ Հրաչ Թորոսեանի կողմից ներկայ էին նրա քեռին՝ պրն. Լևոն Թորոսեանը և քեռու աղջիկը՝ Ռուբինան իր ամուսնու և դստեր հետ:

Այս ծրագրի սկզբում ելոյթ ունեցան քաղաքապետարանի հոգևորական ներկայացուցիչը, Արժ. Տ. Կոմիտաս քհն. Ղարախանեանը և Վարդան Բաբախանեանը, որոնք դրւատանքի խօսքեր ասացին նահատակ Հրաչի յիշատակին:

Հրաչ Թորոսեանը ծնւել էր 1969 թ. Թեհրանում Արամայիս և Անուշ Թորոսեանների ընտանիքում: Տարրական ուսումը ստացել էր «Թունեան» և «Նայիրի» դպրոցներում, ապա աշխատանքի էր անցել իր հօր մօտ: Նա մարզիկ էր և մի քանի մարզաձևերի վարպետ:     

Տարիքը լրանալուն պէս կամաւոր զինւորագրւեց բանակում: Նախնական շրջանը անցկացրեց թեհրանում ապա Գիլանէ Ղարբում և Սումարում շարունակեց ծառայութիւնը պատերազմական թէժ գծում: Նա բանակի ականազերծման ջոկատի (թաքաւարներ) լաւագոյններից էր: Ծառայութիւնից մնացել էր ընդամէնը երկու ամիս, որ նա զոհւեց ականազերծման պահին՝ 1987 թ. Յունիսին (5 Թիր 1366):

«Հ. Թորոսեան» (նախկին 84) փողոցը գտնւում է «Սասուն» քաղաքամասի Նարմաքի շրջանում: Մի կողմից հասնում է Շիրմարդ պողոտային, իսկ միւս կողմից՝ գետափին: Այս փողոցում է գտնւում նախկին Իրան-Փիրուզ դպրոցը:  

{gallery}201701/2017010301{/gallery}