×

Զգուշացում

JFolder: :files: Հասցեն չի տանում դեպի պանակ։ Հասցե՝ [ROOT]/images/201609/2016091901
×

Տեղեկացում

There was a problem rendering your image gallery. Please make sure that the folder you are using in the Simple Image Gallery Pro plugin tags exists and contains valid image files. The plugin could not locate the folder: images/201609/2016091901

Համագումար՝ նւիրւած «Ալիք»-ի 85-ամեակին

 

Նախաձեռնութեամբ Իսլամական Մշակոյթի եւ առաջնորդութեան նախարարութեան, սեպտեմբերի 17-ի առաւօտեան, Թեհրանի «Էնղելաբ» հիւրանոցում կազմակերպւել էր իւրայատուկ սեմինար:

Նման համագումարի կազմակերպման համար, առիթ էր հանդիսացել «Ալիք» օրաթերթի 85-ամեակի առիթով Թեհրան հրաւիրւած հայաշխարհի մեդիայի ներկայացուցիչների ներկայութիւնն Իրանում:

Միջոցառմանը, նախ, Իսլ. Մշակոյթի եւ առաջնորդութեան նախարարութեան գրասենեակների եւ համայնքների պատասխանատու Ալի Ֆերէյդունին հակիրճ բացատրութիւններ փոխանցեց Իրանում, տարբեր բնագաւառներում, իրանահայ համայնքի դարաւոր ներդրումների մասին: 

Ապա հրաւիրեց արտայայտւելու Թ. Հ. թեմի առաջնորդ Տ. Սեպուհ արք. Սարգսեանին: Թեմակալ առաջնորդը ողջունելով հիւրերին, ասաց. «Իրանի Իսլամական Հանրապետութեան Մշակոյթի եւ Առաջնորդութեան նախարարութեան նախաձեռնութեամբ կազմակերպւած այս միօրեայ, աւելի ճիշդ, կէսօրեայ համագումարը նախ վկայութիւնն է պետութեան մշակոյթի, արւեստի ու գրականութեան հանդէպ ցուցաբերած նախանձախնդիր վերաբերմունքին եւ երկրորդ ու երեւի ամէնից յատկանշականը՝ մշակոյթի նախարարութեան ցուցաբերած գուրգուրանքին ու քաջալերանքին մամուլի նկատմամբ առանց խտրականութեան»։

Այնուհետև պատմական հայեացք նետեց իրանահայ համայնքի անցած ուղուն, ասելով՝ «Այսօր եւս Իրանի Իսլամական Հանրապետութիւնը օրինակելի երկիր է զանազան կրօնների հետեւողների եւ տարբեր ազգութիւնների, փոքրամասնութիւնների համատեղ կեցութեան, գոյակցութեան եւ սա պաշտօնապէս նւիրականացած ու հաստատւած է նոյնինքն Իրանի Իսլամական Հանրապետութեան պետական սահմանադրութեան մէջ»։

Սրբազան Հայրը իրանահայ ժողովրդի մասին այսպէս արտայայտւեց՝ «Հայ ժողովուրդը հազարաւոր տարիների խորքից եկող յարաբերութիւն ու գոյակցութիւն է ունեցել Իրանի ժողովրդի հետ նախ որպէս արիւնակից ու ցեղակից եւ երկրորդ իբրեւ հարեւան։ Իրանի ողջ տարածքում ապրել ու ստեղծագործել է հայը իբրեւ հաւատաւոր, յանձնառու քաղաքացի։ Հարիւրաւոր եկեղեցիների առկայութիւնը, բազմահարիւր մշակութային կոթողների ու յուշարձանների մնացորդացը անժխտելի փաստն ու վկայութիւնն են հայութեան ներկայութեան»։

Ապա ողջունեց «Ալիք»-ի 85-ամեակը նշելով օրաթերթի մեծ դերը մեր ժողովրդի հոգեմտաւոր կեանքում: Վերջում Սրբազան Առաջնորդը շնորհակալութիւն յայտնեց դկտ. Ալի Ջաննաթիին և նախարարութեան ողջ աշխատակազմին, ինչպէս նաեւ Իրանի լրատւական բոլոր կայաններին, թերթերի պատասխանատուներին իրենց համագործակցութեան համար:

Դրանից յետոյ առիթ տրւեց հիւրաբար Իրանում գտնւող հայ մամուլի ներկայացուցիչներին արտայայտւելու:

Արտայայտւեցին «Կալիֆորնիա կուրիէր» թերթի գլխաւոր խմբագիր՝ Յարութ Սասունեանը, Լիբանանի «Ազդակ» օրաթերթի գլխաւոր խմբագիր՝ Շահան Գանտահարեանը եւ Լիբանանի «Ռադիօ Վան»-ի գլխաւոր տնօրէն՝ Աւետիս Կիտանեանը, որոնք Իրան կատարած իրենց առաջին այցի եւ տպաւորութեան մասին հիացմունքով խօսելով՝ կարեւորութեամբ անդրադարձան Իրանում իրանահայերի եւ կրօնական այլ փոքրամասնութիւնների նկատմամբ ջերմ մօտեցումների եւ իրաւունքները յարգելու մասին:

Ծրագրի ընթացքում հրաւիրւեց արտայայտւելու «Ալիք» օրաթերթի գլխաւոր խմբագիր Դերենիկ Մելիքեանը, որը պատմական հայեացք նետելով 85-ամեայ «Ալիք»-ի անցած ուղուն, անդրադարձաւ «Ալիք»-ի ներկայ աշխատանքներին:

Ընթացքում հրաւիրւեց արտայայտւելու Իրանում լոյս տեսնող առաջին օրաթերթ «Էթէլաաթ»-ի տնօրէն հոջ. Դոային:

Նա եւս իր գնահատանքն արտայայտեց իրանահայ համայնքի անցած ուղու մասին, նշելով իրանեան կեանքում իրանահայութեան բազմաբնագաւառ ներդրումների մասին:

Եզրափակիչ խօսքով հանդէս եկաւ, Իսլ. Մշակոյթի եւ առաջնորդութեան նախարար դոկտ. Ալի Ջաննաթին: Նա կարեւորութեամբ անդրադարձաւ Իրանի արւեստի երկնակամարում իրանահայ համայնքի անմնացորդ դերակատարութեան մասին եւ նշեց. «Իրան-Հայաստան մշակութային փոխանակումների բնագաւառում Հայաստանի մշակոյթի նախարար Յասմիկ Պօղոսեանի հետ կնքած պայմանագրերին եւ երկու երկրների նախարարների փոխադարձ այցերը նման կապերի ամրապնդման լաւագոյն օրինակը համարեց:

Միջոցառմանը ներկայ էին՝ Իսլ. խորհրդարանում Թեհրանի եւ հիւսիսային, նաեւ Սպահանի եւ հարաւային իրանահայութեան պատգամաւորներ դոկտ. Կարէն Խանլարեանը եւ Ժորժիկ Աբրահամեանը, նաեւ Մշակոյթի նախարարութեան յարակից բաժինների պատասխանատուներ:

Վերջում «Ալիք» հաստատութեան ներկայացուցիչ Հենրիկ Խալոյեանի, «Ալիք» օրաթերթի արտօնատէր Ալբերտ Աճեմեանի եւ «Ալիք» օրաթերթի գլխաւոր խմբագիր Դերենիկ Մելիքեանի ձեռամբ յուշանւէր յանձնւեց նախարար դոկտ. Ալի Ջաննաթիին:

 {gallery}201609/2016091901{/gallery}