×

Զգուշացում

JFolder: :files: Հասցեն չի տանում դեպի պանակ։ Հասցե՝ [ROOT]/images/201608/2016082501
×

Տեղեկացում

There was a problem rendering your image gallery. Please make sure that the folder you are using in the Simple Image Gallery Pro plugin tags exists and contains valid image files. The plugin could not locate the folder: images/201608/2016082501

Մի Խումբ Այլ Երկրացի Ուսանողներ Այցելում են Առաջնորդ Սրբազան Հօր

Երեքշաբթի առաւօտեան, թւականիս 23 օգոստոսի ժամը 9։30-ին Ազգային Առաջնորդարան այցելեցին Ղոմի Աստւածաբանական համալսարանում յատուկ դասընթացք անցկացնող Եւրոպական-Ասիական զանազան երկրներից՝ (Հարաւային Կորէա, Հարաւային Ափրիկէ, Լիբանան, Չինաստան, Աւստրիա, Սպանիա եւ Գերմանիա) որոնց ընդունեց թեմիս բարեխնամ Առաջնորդ՝ Գերշ. Տ. Սեպուհ Ս. Արք. Սարգսեանը Առաջնորդարանի դահլիճում։

Հանդիպմանը նաեւ ներկայ էին Առաջնորդական Փոխանորդ՝ Գերշ. Տ. Մակար Ս. Եպս. Աշգարեանը եւ հանրային կապի հոգեւոր պատասխանատու՝ Արժ. Տ. Գրիգորիս քհնյ. Ներսէսեանը։

Սրբազան հայրը յետ բարիգալստեան խօսքի հակիրճ կերպով ներկայացրեց իրանահայ համայնքի կեանքը եւ ազգային, հոգեւոր կառոյցները։ Ապա ներկաները հարցեր ուղղեցին Սրբազան հօրը հայ եկեղեցու հոգեւոր կեանքի, Քրիստոսի եկեղեցում ունեցած դիրքի, հոգեւոր դասի վերաբերեալ, որոնց հակիրճ եւ լուսաբանող պատասխաններով գոհացրեց Սրբազան հայրը։

Ներկաներից նաեւ հարց ուղղեց Հայոց Ցեղասպանութեան մէջ Գերմանիայի ունեցած դերի մասին, որին Սրբազան հայրը նշելով Գերմանիոյ խորհրդարանի կողմից Հայոց Ցեղասպանութեան ընդունումը եւ նախագահի յայտարարութիւնը հաստատեց յիշեալ իրադարձութեան հաւաստիացութիւնը։

Նաեւ ի պատասխան ներկաների հարցումների Սրբազան հայրը Իրանն ու Իրանի հոգեւորականութիւնը եւ ժողովուրդը ներկայացրեց որպէս լուսամիտ եւ հիւրընկալ տարր, որը կրօնական, ազգային փոքրամասութիւնների նկատմամբ ունեցած բարիացակամ յարաբերութեամբ շահել են այլադաւան բնակչութեան եւ արտերկրեայ մտաւորականների սէրն ու համակրանքը։

Սրբազան հայրը նաեւ ակնարկեց Իրանի կառավարութեան եւ ժողովրդի կողմից վասն հաւատքի եւ վասն հայրենեաց մարտիրոսներին ընծայած յարգանքն, որի բերումով Իրանի իշխանութիւնը իր իսլամական խորհրդարանը իր ղեկավարութեամբ հանդերձ, թէկուզ ոչ պաշտօնական կերպով, ընդունում է Հայոց Ցեղասպանութիւնը եւ հայ համայնքին այդ կապակցութեամբ կազմակերպած միջոցառումներին սատար հանդիսանալով, իր յարգանքի տուրքն է մատուցում Հայոց Ցեղասպանութեան նահատակներին։

Վերջում ներկաները բաւարարւած Սրբազան հօր կողմից ստացած պատասխաններից՝ ստանալով նրա օրհնութիւնը գոհունակութեամբ հրաժեշտ տալով թողեցին Առաջնորդարանի դահլիճը, ուղղւեցին Ս. Սարգիս մայր եկեղեցի ուր Գերշ. Մակար Սրբազան հայրը տեղեկութիւններ փոխանցեց եկեղեցու վերաբերեալ։ Պատւիրակութիւնը նաեւ այցելեց Ապրիլեան բիւրաւոր նահատակների յուշարձանին եւ իր յարգանքի տուրքը մատուցեց 1915-ի Ցեղասպանութեան զոհ գնացած նահատակներին։

{gallery}201608/2016082501{/gallery}