Մանկապարտէզտի եւ նախակրթարանի իմ սիրելի բալիկներ,

Շատ ուրախ եմ, որ կրկին անգամ մանկապարտէզում էք, ձեզանից ոմանք նոր են, իսկ մի մասն էլ արդէն կարօտով է գալիս մանկապարտէզ:

Սիրելի՛ փոքրիկներ ուրախ ու երջանիկ եղէք, եւ վստահ եղէք, որ այստեղ ձեր օրիորդներն ու տեսչուհիները սիրում են ձեզ եւ ամէն ինչ անելու են, որ դպրոցում ձեզ համար լաւ անցնի:

Այստեղ դուք ընկերներ եւ ընկերուհիներ պիտի ունենաք եւ միմեանց սիրելու էք£ Պիտի երգէք, պարէք, ներկէք եւ ուրախանաք: Մանկապարտէզում աղօթք պիտի սովորէք, պիտի ճանաչէք Ս. Մեսրոպ Մաշտոց վարդապետին եւ Ս. Սահակ հայրապետին: Մի խօսքով պիտի լսէք պատմութիւններ Յիսուսի կեանքից եւ Ս. Մեսրոպի ու Ս. Սահակի գործերից:

Դպրոցը շատ լաւ տեղ է, լաւ բաներ էք սովորելու, իմանալու էք, որ Յիսուսը ձեզ շատ է սիրում եւ միշտ աղօթում ձեզ համար, պիտի սովորէք Ս. Մեսրոպ Մաշտոցի ստեղծած, գտած Ա. Բ. Գ-ն եւ դրանով պիտի սովորէք նաեւ հայոց լեզուն եւ կամաց կամաց էլ մեր կրօնն ու պատմութիւնը:

Ես ձեզ համար աղօթում եմ եւ նաեւ շնորհաւորում ձեզ բոլորդ, որ ահա դպրոց-մանկապարտէզ էք եկել եւ Աստծու օրհնութեամբ սովորելու էք այն ինչ որ լաւ է, բարի է եւ Աստծու հաճելի:

Աստւած օրհնի ձեզ բալիկներ, ձեր ծնողները, օրիորդներն ու տեսչուհին եւ բոլոր նրանք ովքեր ձեզ համար աշխատում են:

Օրհնութիւն եւ յաջողութիւն բոլորիդ եւ Շնորհաւոր վերամուտ:

ձեզ սիրող եւ ձեզ համար աղօթող՝

ՍԵՊՈՒՀ ԱՐՔ. ՍԱՐԳՍԵԱՆ
ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ