Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Տօների տօն Մայիսի 28-ի 106-րդ տարեդարձը նշւեց Հ.Մ. «Սարդարապատ» միութեան նախաձեռնութեամբ

Տօների տօն Մայիսի 28-ի 106-րդ տարեդարձը նշւեց Հ.Մ. «Սարդարապատ» միութեան նախաձեռնութեամբ, միութեան յարկի ներքոյ: Այդ առիթով թւականիս մայիսի 27-ին կազմակերպւել էր բանախօսական-գեղարւեստական յայտագրով ծրագիր: Օրւայ բանախօս էր հրաւիրւել «ԱԼԻՔ» օրաթերթի գլխաւոր խմբագիր Արամ Շահնազարեանը:

Տէրունական աղօթքով եւ Մեր Հայրենիք օրհներգով մեկնարկած ծրագրի բացման խօսքով միութեան անունից հանդէս եկաւ Արփա Քարամեանը: Իր խօսքի մէջ նա ընդգծեց. «Հայ ժողովուրդը, այլ ազգերի նման ժամանակին կերտել է իր պատմութիւնը, որի էջերում կան անկիւնադարձային դրւագներ,որոնք լիովին փոխել են հայ ժողովրդի գոյատեւման ընթացքը, դրանցից կարելի է մատնանշել հայ ժողովրդի Քրիստոնէութեան ընդունումը, հայոց գրերի գիւտը, Վարդանանքը, Հայոց Ցեղասպանութիւնը: Հայ ժողովրդի պատմութեան կարեւորագոյն էջերից է համարւում 1918 Մայիսի 28-ը, որի շնորհիւ 6 դար ինքնուրոյն պետականութեան անկումից յետոյ, հայը հիմքը դրեց իր Անկախ Հանրապետութեան, որը ներազգային արժէքից բացի համաշխարհային հարթակում եւս դարձաւ հայ ժողովրդի գոյութեան իրաւական փաստի հաստատումը»:

Ընթացքում պատանի պարմանուհիները մէկ առ մէկ հայ ժողովրդի հազարամեայ պատմութեան առաջին թագաւորութեան անւանումները մինչեւ 1918 թւականի Մայիսի 28, մինչեւ Արցախի Հանրապետութիւն եւ ՀՀ ներկայի Հանրապետութիւն տեղադրեցին ցուցատախտակի վրայ: Հազարամեայ դարաշրջաններ, որոնք հիմք են դրել հայ ժողովրդի վերիվայրումներով լի պատմութեանը:

Ապա հրաւիրւեց օրւայ բանախօս Արամ Շահնազարեանը: Իր ելոյթում նա նշեց, որ 1918 թւականին մոխիրների միջից վեր յառնեց հայ ժողովուրդը եւ կերտեց Հայաստանի Անկախ Հանրապետութիւնը, որն արդիւնքն էր ազգային ու հոգեւոր ղեկավարութեան եւ հայ ժողովրդի միասնականութեան: Բանախօսը ընդգծեց, որ դժբախտաբար Մայիսեան յաղթանակի 106-րդ տարեդարձի այս օրերին հայ ժողովուրդը ապրում է չափազանց դժնդակ օրեր, Հայաստանի Հանրապետութիւնը մեր աչքի առջեւ տրորւում է եւ ծւէն-ծւէն դառնում թշնամու կողմից, որին այսօր պաշտօնապէս ձայնակցում են Հայաստանի Հանրապետութեան այսպէս կոչւած իշխանութիւնները: Բանախօսը կարեւորեց այն հանգամանքը, որ հայ ժողովուրդը պայքարել ու գոյատեւել է միացեալ Հայաստանի տեսլականով, որը սակայն այսօրւայ ՀՀ իշխանութիւնները դա ուրանում են, որպէսզի փշրեն հայ ժողովրդի գոյութենական տեսլականը:
Բանախօս Արամ Շահնազարեանը համեմատական եզրեր անցակցրեց Հայաստանի ներկայ ճգնաժամային իրավիճակի եւ 1918 թւականի Մայիսեան յաղթանակի օրերի միջեւ, եւ կարեւորեց այսօր հայ հոգեւորականութեան ի դէմս Բագրատ Սրբազանի խիզախ քայլերը յանուն Հայրենիքի եւ նշեց, որ այսօր հայ ժողովուրդը փորձում է ոտքի կանգնել, փորձում է շտկել իր մէջքը եւ հետ բերել վերջին տարիների իր կորցրածը, քանզի այսօր մեր ժողովուրդը արդէն դուրս է գալիս պարտութեան թմբիրից եւ պայքար է տանում յանուն հայրենիքի: Մենք փորձելու ենք կառուցել այն ապագան, որին արժանի է մեր ժողովուրդը Նա ընդգծեց, որ այսօր մեր պարտականութիւնն ամէն գնով աջակցել Հայաստանում ձեւաւորած շարժմանը, քանզի այսօր Հայաստանում ձեւաւորւած պայքարը հայ ժողովրդի պայքարն է, պայքար յանուն Հայաստանի եւ հայ ժողովրդի գոյութեան, որը յաղթելու է:

Գեղարւեստական յայտագրում ասմունքային կատարումներուվ հանդէս եկան Վանէ Մակարեանը եւ Վեդի Աւանէսեանը, խօսքերով Արփա Քարամեանը եւ Վինել Մակարեանը, իսկ ազգային երգերով ելոյթ ունեցաւ Էիկա Դաւթեանը, ում երգեհոնով ընկերակցում էր Վահէ Քեշիշզադէն:

Միջոցառման եզրափակիչ խօսքով հանդէս եկաւ Տ. Առաքել աբեղայ Գատեհճեանն, անդրադառնալով երկու կարեւոր հանգամանքների: Հայրսուրբը ընդգծեց, որ Մայիսի 28-ը յոյսի թւական է եւ ասաց. «Այսօր մենք շատ բաներ կը տեսնենք հայրենիքի մէջ, որոնք կը փորձեն հայրենիքի մէջ կտրել մեր յոյսերը, սակայն մենք, որպէս քրիստոնեաներ յուսախաբութիւն կը ճանաչենք, բայց յուսահատութիւն չենք ճանաչել: Մայիսի 28-ը յոյսի թւական է քանզի Մայիսի 28-ին հայ ժողովուրդը միայնակ էր եւ տառապած, սակայն այդ բոլորին մենք կարողացանք յաղթել, որովհետեւ միացանք: Արամ Մանուկեանը եւ Գէորգ 5-րդ Սուրէնեանց կաթողիկոսը ժողովուրդին սովրեցրին միանալ, քանի որ բոլորի համար կարեւորը Հայրենիքի գոյատեւումն էր»: Հայր Սուրբը անդրադառնալով երկրորդ կէտին նշեց. «Առաջին Հանրապետութեան միջոցով հայ ժողովուրդը ստացաւ երեք սրբութիւններ՝ Եռագոյն դրօշը, Զինանշանը եւ հողը, սրանք սրբութիւններ են քանի որ դրանք չեն ջնջւելու մեր կեանքից եւ ոչ էլ հնարաւոր է դրանք վաճառել»:

Միջոցառմանը ներկայ էին Տ. Մաշտոց քհնյ. Խաչատրեանը, ազգաին իշխանութեան, մարմինների ու միութիւնների ներկայացուցիչներ:

Լուրը՝ «Ալիք»-ից

ՏՕՆԵՐ

Կրօնական Տօների Օրացոյց


Երեքշաբթի 04 Յունիսի 2024;
ՍՐԲՈՒՀԻ ՆՈՒՆԷ ԵՒ ՍՐԲՈՒՀԻ ՄԱՆԷ ԿՈՅՍԵՐԸ

Հինգշաբթի 06 Յունիսի 2024;
ԱՅՍՕՐ ՏՕՆՆ Է Ս. ՍԱՀԱԿ ԵՒ Ս. ՅՈՎՍԷՓ ԿԱՐՆԵՑԻՆԵՐԻ

Շաբաթ 08 Յունիսի 2024;
Սուրբ Ներսէս Մեծ Հայրապետի տօնը եւ մեր թեմում Հայրերի օր է։ Շնորհաւոր հայ «Հայրերի օր»-ը

Երեքշաբթի 11 Յունիսի 2024;
Ս․ Կոստանդիանոս կայսերի եւ նրա մօր՝ Հեղինէ թագուհու յիշատակութեան օր

Շաբաթ 15 Յունիսի 2024;
ԱՅՍՕՐ ՏՕՆՆ Է Ս. Գրիգոր Լուսաւորչի ՆՇԽԱՐՆԵՐԻ ԳԻՒՏԻ ՏՕՆ՝ ԳԻԻՏ ՆՇԽԱՐԱՑ Ս․ԳՐԻԳՈՐ ԼՈՒՍԱՒՈՐՉԻ

Երեքշաբթի 18 Յունիսի 2024;
Տօն՝ Սրբոցն Դանիէլի մարգարէին եւ երից մանկանցն` Սեդրակայ, Միսաքայ եւ Աբեդնագովի

Հինգշաբթի 20 Յունիսի 2024;
Տօն Սուրբ թարգմանիչներ՝ Սահակի եւ Մեսրոպի

Շաբաթ 22 Յունիսի 2024;
Տօն Սրբոցն Տրդատ Թագաւորի ու Աշխէն Թագուհու եւ Խոսրովիդուխտի

Կիրակի 23 Յունիսի 2024;
Սուրբ Աստւածածնի տուփի գիւտի տօնը

Երեքշաբթի 25 Յունիսի 2024;
Տօն Սուրբ Զաքարիա մարգարէի

ԸՆԹԵՐՑՈՒՄՆԵՐ

Առօրեայ Աստւածաշնչեան ընթերցումներ




Երկուշաբթի 17 Յունիսի 2024;
Սրբոց վկայիցն Անտոնինոսի, Թէոփիլոսի, Անիքտոսի եւ Փոտինոսի

Երեքշաբթի 18 Յունիսի 2024;
Տօնէ Սրբոցն Դանիէլի մարգարէին եւ երից մանկանցն` Սեդրակայ, Միսաքայ եւ Աբեդնագովի

Չորեքշաբթի 19 Յունիսի 2024;
ՀՌՈՄԷԱՑԻՆԵՐԻՆ 9.1‐16։ ԱՒԵՏԱՐԱՆ ԸՍՏ ՄԱՏԹԷՈՍԻ 13.1‐8։

Հինգշաբթի 20 Յունիսի 2024;
Տօն՝ Սրբոց թարգմանչաց հարցն մերոց Սահակայ եւ Մեսրովբայ

Ուրբաթ 21 Յունիսի 2024;
ՀՌՈՄԷԱՑԻՆԵՐԻՆ 9.17‐27։ ԱՒԵՏԱՐԱՆ ԸՍՏ ՄԱՏԹԷՈՍԻ 13.16‐23։

Շաբաթ 22 Յունիսի 2024;
Տօն Սրբոցն Տրդատայ թագաւորին մերոյ, Աշխէնի տիկնոջն եւ Խոսրովիդխտոյն

Կիրակի 23 Յունիսի 2024;
Ե կիրակի. զկնի Հոգեգալստեան: Տօն գիւտի տփոյ Սրբուհւոյ Աստուածածնի

Երկուշաբթի 24 Յունիսի 2024;
Տօն՝ Սրբոցն Կալիստրատոսի, քառասուն եւ ինն վկայիցն եւ Ղունկիանոսի քահանային

Երեքշաբթի 25 Յունիսի 2024;
Տօն՝ Սրբոյն Զաքարիայի մարգարէին

Չորեքշաբթի 26 Յունիսի 2024;
ՀՌՈՄԷԱՑԻՆԵՐԻՆ 10.5‐17։ ԱՒԵՏԱՐԱՆ ԸՍՏ ՄԱՏԹԷՈՍԻ 13.31‐42։

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ