Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ՀՈՒՍԿ հաստատութեան նախաձեռնութեամբ՝ դասախօսական երեկոյ՝ Հ.Բ.Ը.Մ կենտրոնատեղիում

Երկուշաբթի, 29 ապրիլ 2024 թւականին, ՀՈՒՍԿ հաստատութեան նախաձեռնութեամբ՝ Հայկական Բարեգործական Ընդհանուր միութեան կենտրոնատեղիում տեղի ունեցաւ «Երէկ Արցախ, այսօր Տաւուշ, վաղը Սիւնիք-հայրենի հողի պաշտպանութեան մերօրեայ հրամայականը» խորագրով դասախօսական երեկոյ: Օրւայ բանախօսն էր ՀՀ ԱԺ «Հայաստան» խմբակցութեան պատգամաւոր Աննա Գրիգորեանը:

Երեկոն վարում էր ՀՈՒՍԿ հաստատութեան նախագահ Իսակ Իւնանէսեանը, ով միջոցառման նպատակին անդրադառնալով եւ դասախօսին ներկայացնելուց յետոյ խօսափողը տրամադրեց նրան:

Աննա Գրիգորեանը բուն թեմային անդրադառնալուց առաջ նշեց, որ սա իր երկրորդ այցելութիւնն է Իրան, եւ որ հայ համայնքի ներկայացուցիչների եւ ի մասնաւորի Հայ Դատի յանձնախմբի ջանքերի շնորհիւ բաւականին կարեւոր եւ արդիւնաւէտ հանդիպումներ է ունեցել տարբեր մակարդակներում եւ այդ կապակցութեամբ յուսալի է իր համար Իրանի Իսլամական Հանրապետութեան դիրքորոշումները Հայաստանին աջակցելու ուղղութեամբ:

Ելոյթի սկզբում նա անդրադառձաւ «Արցախի թեման փակւած է» կեղծ բանաձեւին եւ դրա յաղթահարման ձեւերին, անդրադառնալով ժամանակագրական ընթացքին՝ 44-օրեայ պատերազմից մինչեւ վերջին իրադարձութիւնները: Խօսւեց ՀՀ գործող իշխանութիւնների դաւաճանական գործողութիւնների եւ դրանց չէզոքացնելու փորձերի, դրանց ձեռքբերումների ու ձախողման պատճառների, եւ ընդդիմութեան ու առհասարակ Հայաստանում գործող ազգային ուժերի ապագայ անելիքների մասին:

Գրիգորեանը նաեւ անդրադառնալով վերջին օրերում Տաւուշի շուրջ ստեղծւած դիմադրութեանը եւ դրա նախաձեռնողներին, կարեւորեց ցանկացած յաջողութեան հասնելու համար ժողովրդական եւ համազգային լայն համախմբում եւ բազմամարդ շարժում ստեղծելու առանցքային դերը:

Դասախօսութեան վերջում ներկաները իրենց հարցերը ուղղեցին քաղաքական գործիչին եւ ստացան համապարփակ սպառիչ պատասխաններ:

Նշենք, որ միջոցառմանը ներկայ էին «Ալիք» հաստատութեան ներկայացուցիչ Սեւան Դանիէլեանը, Իրանի Իսլամական խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը, Թ. Հ. Թ. Թեմական խորհրդի ատենապետ ճրտպ. Նորայր Արամեանը, միութիւնների եւ ազգային մարմինների ներկայացուցիչները:

Լուրը՝ «Ալիք»-ից

ՏՕՆԵՐ

Կրօնական Տօների Օրացոյց


Երեքշաբթի 04 Յունիսի 2024;
ՍՐԲՈՒՀԻ ՆՈՒՆԷ ԵՒ ՍՐԲՈՒՀԻ ՄԱՆԷ ԿՈՅՍԵՐԸ

Հինգշաբթի 06 Յունիսի 2024;
ԱՅՍՕՐ ՏՕՆՆ Է Ս. ՍԱՀԱԿ ԵՒ Ս. ՅՈՎՍԷՓ ԿԱՐՆԵՑԻՆԵՐԻ

Շաբաթ 08 Յունիսի 2024;
Սուրբ Ներսէս Մեծ Հայրապետի տօնը եւ մեր թեմում Հայրերի օր է։ Շնորհաւոր հայ «Հայրերի օր»-ը

Երեքշաբթի 11 Յունիսի 2024;
Ս․ Կոստանդիանոս կայսերի եւ նրա մօր՝ Հեղինէ թագուհու յիշատակութեան օր

Շաբաթ 15 Յունիսի 2024;
ԱՅՍՕՐ ՏՕՆՆ Է Ս. Գրիգոր Լուսաւորչի ՆՇԽԱՐՆԵՐԻ ԳԻՒՏԻ ՏՕՆ՝ ԳԻԻՏ ՆՇԽԱՐԱՑ Ս․ԳՐԻԳՈՐ ԼՈՒՍԱՒՈՐՉԻ

Երեքշաբթի 18 Յունիսի 2024;
Տօն՝ Սրբոցն Դանիէլի մարգարէին եւ երից մանկանցն` Սեդրակայ, Միսաքայ եւ Աբեդնագովի

Հինգշաբթի 20 Յունիսի 2024;
Տօն Սուրբ թարգմանիչներ՝ Սահակի եւ Մեսրոպի

Շաբաթ 22 Յունիսի 2024;
Տօն Սրբոցն Տրդատ Թագաւորի ու Աշխէն Թագուհու եւ Խոսրովիդուխտի

Կիրակի 23 Յունիսի 2024;
Սուրբ Աստւածածնի տուփի գիւտի տօնը

Երեքշաբթի 25 Յունիսի 2024;
Տօն Սուրբ Զաքարիա մարգարէի

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ