Երկուշաբթի, 2 հոկտեմբեր 2023 թւականին, Իրանի Իսլ. Խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը ընկերակցութեամբ Թեմական խորհրդի ատենապետ ճրտպ. Նորայր Արամեանի եւ Կրթական խորհրդի ատենապետ Ալֆրէդ Կարապետեանի հանդիպում է ունեցել Կրթադաստիարկչութեան նախարար՝ դոկտ. Ռեզամորադ Սահրայիի հետ:

Հանդիպման ընթացքում համապարփակ բացատրութիւն է ներկայացւել հայկական դպրոցների ընդհանուր դրւածքի մասին, իսկ հիմնական օրակարգում հիմք ընդունելով Կրթական խորհրդի կողմից ներկայացւած պահանջները անդրադարձ եւ մատնանշում է կատարւել հետեւեալ կէտերին՝

1- Աւելի կենտրոնացած համակարգ ունենալու նպատակով, հնարաւորութեան սահմաններում տարր. դպրոցները երկսեռ դարձնելու արտօնութիւնն ստանալ:
2- «Սիդա» ծրագրում դասարանների գրանցման համար առկայ դժւարութիւնների ուղղութեամբ դիւրութիւններ ստեղծել: Այս կապակցութեամբ հարկ է բացատրել, որ մի քանի դպրոցներում դասարնների թիւը Կրթադաստիարակչութեան կողմից սահմանւած չափանիշներին համապատասխան չլինելու պատճառով, «Սիդա» ծրագրում դասարանների գրանցման համար առկայ են դժւարութիւններ:
3-«Արարատ» դպրոցի ամրապնդման կամ վերաշինութեան ուղղութեամբ նախարարութեան համագործակցութիւն եւ աջակցութիւնն ունենալ: Հարկ է նշել, որ այս կապակցութեամբ նախարարը Խորհրդարանի Պատգամաւորի հրաւէրին ընդառաջելով, խոստացաւ կայցելի յիշեալ դպրոցը:
4-Պարպւած դպրոցներից լաւագոյնս օգտագործելու ուղղութեամբ բացատրութիւններ ներկայացւելով, Նախարարը խոստացել է, որ փորձելու է հաստատւած օրէնքների հիման վրայ աշխատանք ծաւալել եւ աջակցութիւն ցուցաբերել:

Սոյն հանդիպումը խոստումնալից մեկնարկ է ապագայում արդիւնաւէտ համագործակցութիւններ ունենալու կապակցութեամբ:

Ազգային Առաջնորդարանի Հանրային կապ