Թ. Հ. Թ. Կրթական խորհրդի նախաձեռնութեամբ եւ Մշակութային յանձնախմբի կազմակերպութեամբ Թեհրանի հայկական համայնքում եռամեայ դադարից յետոյ իրականացաւ աշակերտական Մշակութային փառատօնը՝ «Արարատ» մարզաւանի «Վաչիկ Ղարաբէգեան» սրահում:

Յատկանշական է, որ համաճարակ բերումով, ուսումնական երկու տարեշրջան, այսինքն երեք տարի հնարաւոր չեղաւ իրականացնել աշակերտական Մշակութային փառատօնը:

Այս տարւայ փառատօնը կազմակերպւել է երկու բնագաւառում եւ մէկ փուլում, ուրբաթ, փետրւարի 17-ին կայացաւ ասմունքի փառատօնը, իսկ երաժշտական գործիքների փառատօնը կայանալու է փետրւարի 24-ին, որի ընթացքում կը յայտարարւեն լաւագոյնները եւ բոլոր մասնակիցներին կը յանձնւի գնահատագրեր:

Այս տարւայ Մշակութային փառատօնին իրենց մասնակցութիւնն են բերել շուրջ 240 աշակերտներ, որոնցից 110-ը մասնակցել են ասմունքի, իսկ 130-ը մասնակցելու են երաժշտական գործիքների մրցոյթփառատօնին:

Լուրը՝ «Ալիք»-ից