Հինգշաբթի, թւականիս յունւարի 19-ին Թեմիս Առաջնորդ Գերշ. Տ. Սեպուհ Ս. Արք. Սարգսեանը Ազգ. Առաջնորդարանի դահլիճում ընդունեց Հայկական Բարեգործական Ընդհանուր Միութեան Վարչութեան ներկայացուցիչներին, ովքեր եկել էին Նոր Տարւայ եւ Ս. Ծննդեան տօների առիթով, շնորհաւորանքները եւ բարեմաղթանքները փոխանցելու Սրբազան Հօրը:
Սրբազան Հայրը ջերմօրէն ողջունեց եւ փոխադարձ շնորհաւորանքները փոխանցեց յարգոյ հիւրերին: Հանդիպումն առիթ եղաւ խօսելու Հայկական Բարեգործական Ընդհանուր Միութեան հովանաւորութեան ներքոյ գտնւող դպրոցների կարգավիճակի մասին: Վարչութեան ատենապետ Նժդէհ Մութաֆեանը նաեւ բացատրութիւններ ներկայացրեց միութեան եւ ի մասնաւորի մշակութային և կրթական աշխատանքների վերաբերեալ:
Սրբազան Հայրն իր գոհունակութիւնը յայտնելով, յաջողութիւն մաղթեց ապագայ աշխատանքներին:
Ազգային Առաջնորդարանի Հանրային կապ