ՀԱՆԴԻՊՈՒՄ՝ ԻՐԱՆԻ ԻՍԼԱՄԱԿԱՆ ՄՇԱԿՈՅԹԻ ԵՒ ԱՌԱՋՆՈՐԴՈՒԹԵԱՆ ՆԱԽԱՐԱՐՈՒԹԵԱՆ ԿՐՕՆԱԿԱՆ ՓՈՔՐԱՄԱՍՆՈՒԹԻՒՆՆԵՐԻ ԲԱԺՆԻ ԿԵՆՏՐՈՆՈՒՄ

Երեքշաբթի թւականիս յունիսի 14-ին, Իրանի Իսլամական Մշակութային եւ Առաջնորդութեան նախարարութեան Կրօնական փոքրամասնութիւնների բաժնի կենտրոնում (Էրշադ)՝ Մշակութային աշխատանքների եւ միութիւնների բաժնի գլխաւոր տնօրէն Էսմայիլ Ջանալիփուռի հետ կայացած հանդիպմանն, իր մասնակցութիւնն է բերել Թեմական խորհրդի ատենապետ ճրտպ. Նորայր Արամեանը:

Հանդիպմանը ներկայ են եղել նաեւ միւս Կրօնական փոքրամասնութիւնների ներկայացուցիչները, որտեղ իւրաքանչիւրն իր հերթին ներկայացնելով իր համայնքի ընդհանուր դրւածքը, զեկուցել է մշակութային եւ հասարակական որորտին կապւող աշխատանքների եւ տարեկան ծրագրերի մասին: Իսկ աշխատանքների սահուն եւ դիւրին ընթացք տալու կապակցութեամբ, ընդգծւել է յարաբերութիւններն առաւել սերտացման նաեւ փոքրամասնութիւններին օժանդակութիւն ցուցաբերելու կարեւորութիւնը:

Պրն. Արամեանն իր արտայայտութիւնների ընթացքում շնորհակալութիւն է յայտնել Նախարարութեան կողմից մեր համայնքի նկատմամբ դրսեւորած բարիացակամ մօտեցման եւ համագործակցութեան կապակցութեամբ:

Պրն. Ջանալիփուռը նաեւ իր հերթին ողջունել եւ շնորհակալութիւն է յայտնել հիւրերին եւ յոյս յայտնել, որ նմանատիպ հանդիպումները կը շարունակւեն առաջիկայում համագործակցութիւնն ընդլայնելու նպատակով:

Ազգային Առաջնորդարանի Հանրային կապ